Instagram tarmog‘ida Dili.me taxallusi bilan mashhurlikka erishgan Dilshod Nazarov “Daryo” internet-nashriga eksklyuziv intervyu berdi. Intervyuni “Daryo” muxbiri Feruz Muhammad tashkillashtirdi.
Dilshod Nazarov O‘zbekiston davlat san’at va madaniyat institutiga uch marta imtihon topshirsa ham o‘ta olmagani, trenddagi mashhurlar tomonidan tan olinib, ularning kliplarida bosh rollarni ijro etsa ham, institut tomonidan tan olinmagani va ruhan sinib kirakashlik qilgani haqida gapirib berdi.
Bu savolga kelganda egildim, chunki o‘sha paytda egiltirib qo‘yishgan.Ma’lumot uchun, Dilshod Nazarov 1999-yil Toshkent shahrida dunyoga kelgan. Toshkent Estrada vas irk kollejida tahsil olgan. Hamdam Sobirov, Doston Ergashev, Jahongir Poziljonov va yana ko‘plab xonandalarning video kliplarida bosh rollarni ijro etgan. Instagram tarmog‘ida 2,8 million kuzatuvchisi bor. Uylangan.Mahoratimni blogerlikda qo‘ldan kelgancha ko‘rsatdim, odamlarga xush keldi. Nimaga aynan shu universitetdagi ustozlarga xush kelmadim? Hozirgi kunda trendda turgan xonandalarning kliplarida o‘ynab, aktyor sifatida tan olinyapman-da, nimaga universitetda tan olinmayman?
Mayli har bir ishda hikmat bor.
Birinchi yil kirolmaganimda qattiq stressga tushib qolganman.
Keling, gapni kollejdan boshlay.
Maktabni bitirdim, kollejga kirishim kerak. Estrada va sirk kollejining “Vokal” yo‘nalishiga topshirganman. Chunki yoshligimdan qo‘shiqchilikka qiziqib kelganman. Aktyorlik mahorati tushunchasi haqida bilaman, lekin uning ustida ishlamaganman. Vokal bo‘yicha shug‘ullanganman.
Kollejga topshirdim, ovozingda xrip bor, vokalga kirolmaysan deyishdi. “Men davolanaman, san’atda qolishim kerak. Ovozimni davolab kelay, boshqatdan eshitib ko‘ring. Iltimos, imkon bering”, deb ketdim.
Bir oy ovozimni katta pulga davolatdim. Yana topshirdim. “Yo‘q, xriping bor, vokal yo‘nalishida davom ettirolmaysan”, deyishdi.
Agar men san’at kollejiga kirolmaganimda, Soliq kollejida o‘qishimga to‘g‘ri kelardi. Uydagilarim shuni xohlashgan. Lekin bu soha menga 180 gradus teskari.
Keyin men “San’atda qolay, menga san’at yoqadi” deganimda, direktorimiz aktyorlik mahoratida o‘zimni sinab ko‘rishimni aytdi. Ustoz berishdi, bir hafta tayyorgarlik ko‘rdim. Aktyorlik o‘zimga yoqib qoldi. Qanaqadir yangiliklarni his qildim. Topshirdim va imtihondan o‘tdim. 300-400 bolani ichidan 22 nafarini kollej qabul qilgan. Saralash 4-bosqichda bo‘lgan. Ancha qiyin kechgan. O‘z kuchim bilan, kurashib, tirishib o‘tganman, Allohga shukr.
Keyin kollejda juda faol bo‘lishga harakat qildim. Oxirgi yillarda juda faol qatnashdim. Birinchi yili menga boshqacha tuyuldi, xuddi bog‘chadagidek, gilamlarda o‘tirib, yotib darslar o‘tilardi, xullas, boshqacha atmosfera. Ertalab 10-11 larda darsga kiramiz, kechki payt 7-8 larda chiqib ketamiz. Kursdoshlarimiz bilan zo‘r bo‘lganmiz, aktyorlik mahorati menga rosa yoqdi.
Yoshlikdan birga katta bo‘lgan o‘rtoqlarim bilan vokalga topshirganman, ular vokalga kirgan, men aktyorlik mahoratiga kirganman. Ularga hazillashib: “Aktyorlik zo‘r ekan, vokalni yig‘ishtiraveringlar” derdim.
Shu bilan kollejni bitirdik, keyin universitetga o‘qish davri keldi. Topshirdim, qo‘ldan kelgancha harakat qildim. Balki menda ham ayb bo‘lishi mumkin, ha deb bitta tomonni ayblayverish ham xato. Qars ikki qo‘ldan chiqadi. Odam institutga kirolmasa, har xil ayblab ko‘radi-da. “Gaplashilgan, puli borlar kirib ketdi, tanishi borlar kirib ketdi”, va hokazo. Balki mahoratim bo‘lmagandir, balki men nimanidir yetkazib berolmagandirman. Ikkinchi va uchinchi martasida qattiq tayyorgarlik ko‘rganman. Lekin baribir yiqilganman, juda kam ball qo‘yishgan. Shundan keyin, men tirikchiligimni qilaqolay deb qo‘l siltadim.
Men hozir o‘qiyapman, shu yil o‘qishga kirdim, Toshkent Amaliy fanlar universitetida tahsil olishni boshladim. O‘zim reklama qilgan joy edi, taklif qilishdi, IT sohasi bo‘yicha o‘qiyapman.
Dilshod Nazarov, aktyor, bloger, xonanda
Izoh (0)