Tite JCH—2022 chorak finalidagi mag’lubiyatdan so‘ng Braziliya terma jamoasi bosh murabbiyligidan ketdi

Braziliya terma jamoasi ustozi Tite iste‘foga chiqdi.

Braziliya JCH—2022 chorak final bahsida Xorvatiya bilan 1:1 hisobida durang o‘ynadi. Penaltilar seriyasida esa 4:2 hisobida xorvatlar yutib ketdi. Shundan so‘ng Tite iste’foga chiqish borasida ariza topshirdi.

“Og‘riqli mag‘lubiyat. Bu davrning yakunlanishi edi. Ha, davr yakunlandi, bu haqida 1,5 yil oldin ham aytgandim.

Qilgan ishimni baholashga qodir emasman. Vaqt o‘tishi bilan bunga o‘zingiz baho berasiz. Hozirgi mag‘lubiyatdan so‘ng, imkoniyatim ham yo‘q”, — deydi 61 yoshli mutaxassis.

Tite 2016-yildan buyon “pentakampionlar” bosh murabbiyi sifatida faoliyat olib borayotgandi. Uning qo‘l ostida jamoa 2019-yilda Amerika Kubogida zafar quchgan, 2021-yilda esa Amerika Kubogi finaliga qadar yetib borgan edi.