Braziliya terma jamoasi ketma-ket beshinchi Jahon Chempionatini medallarsiz yakunlamoqda

Braziliya terma jamoasi JCH—2022 chorak finalida Xorvatiyaga penaltilar seriyasida mag‘lub bo‘ldi.

“Penatakampionlar” ketma-ket 5-mundialda medallarsiz qolmoqda. Braziliya 2002-yildan buyon kuchli uchlikdan joy ololmayapti. O‘shanda “selesao” chempionlikni nishonlagan edi.

Bu Braziliya terma jamoasi tarixidagi eng yomon natija. Avval braziliyaliklar uchta Jahon Chempionatini (JCH—1982 dan JCH—1990 gacha) medallarsiz yakunlagan edi.

Shuningdek, Tite jamoasi mundiallar tarixida qo‘shimcha bo‘limlarda 1:0 hisobida oldinda borib, yakunda musobaqani tark etgan 13-jamoaga aylandi.