Bugun,

  • USD 11095.31
  • RUB 173.84
  • EUR 10772.44

Peruning hokimiyatdan ag‘darilgan prezidenti Pedro Kastilyo Meksikadan siyosiy boshpana so‘radi. Bu haqda Meksika tashqi ishlar vaziri Marselo Ebrarda Twitter’da ma’lum qildi.

Foto: AP Photo

Foto: AP Photo

Meksika tashqi ishlar vazirligi rahbari o‘z postida Kastilyoning advokati Viktor Lendo imzolagan petitsiyani ham ilova qilgan.

Kastilyo boshpana so‘rab murojaat qilganini tasdiqladi, so‘rov 8-dekabr kuni ertalab Meksika elchixonasida qabul qilingan.

Ebrarda Peru hukumati bilan maslahatlashuvlar boshlanganini qayd etdi.

Avvalroq Peru politsiyasi mamlakat parlamenti tomonidan impichment e’lon qilingan Kastilyoni hibsga olgandi. El Comercio ma’lumotlariga ko‘ra, kongress Pedro Kastilyoni lavozimidan ozod etish haqida qaror qabul qilgach, maxsus yig‘ilishda Peru vitse-prezidenti Dina Boluarte respublikaning yangi prezidenti sifatida qasamyod qabul qilgan.

Kongress Kastilyoni korrupsiyaviy  jinoyatlarni amalga oshirganlikda aybladi. Prezident o‘z murojaatida ayblovlarni inkor qildi va ularni asossiz deb atadi. Kastilyo respublika kongressini tarqatib yuborib, mamlakatda komendantlik soatini joriy qildi. Shunga qaramay, kongress mamlakat prezidentini chetlatish haqida qaror qabul qildi. Qaror 101 nafar kongressmen tomonidan qo‘llab-quvvatlandi, u ma’qullanishi uchun esa 87 ta ovoz yetarli bo‘ladi.

Kastilyo 2021-yil iyulida Peru prezidenti saylovida g‘olib chiqqan edi. Sobiq qishloq o‘qituvchisi ijtimoiy islohotlar o‘tkazish va mamlakat boyliklarini odilona taqsimlash haqidagi populistik va’dalari bilan aholining eng qashshoq qatlamlarining ovozlarini qo‘lga kiritgandi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov