Donald Tramp prezidentlik kursisidan tushganidan so‘ng, ko‘pchilik uning rafiqasi Tramp bilan ajrashadi deya taxmin qila boshladi. Quyida sobiq birinchi xonim Melaniya Trampning saylovlardan keyingi hayoti haqida ma’lumot beramiz.
2017-yilda Amerika Qo‘shma Shtatlarining birinchi xonimi bo‘lgan Melaniya Tramp butun dunyoning e'tiborini tortdi. Donald Tramp rafiqasining uslubi va qildirgan plastik jarrohlik amaliyoti, shuningdek, ularning oila ichidagi munosabatlari matbuot va internetda muhokama qilindi.
Masalan, ko‘pchilik turmush o‘rtoqlarning munosabatlarida befarqlik borligi haqida gapirdi — birinchi xonimning yuzida tabassum yo‘qligi, shuningdek, eriga nisbatan ba’zi xatti-harakatlari shundan dalolat beradi.
Ko‘pchilik Tramplar Oq uyni tark etishi bilan Melaniya Donald bilan ajrashadi, deb taxmin ham qildi. Buni tasdiqlagandek, birinchi xonim Oq uyni qora libosda tark etdi, go‘yoki so‘nggi yillarda unga og‘riq bergan nikoh bilan xayrlashdi.
Hammasi avvalgidek
Oq uyni tark etsa-da, Melaniya siyosat bilan shug‘ullanishni to‘xtatmadi. U hali ham xayriya va boshqa ijtimoiy ahamiyatga ega tadbirlarda qatnashadi, ijtimoiy tarmoqdagi sahifasida yordamga muhtoj bo‘lganlar haqida gapiradi.
Ammo ilgari uning fotosuratlari deyarli har kuni paydo bo‘lgan bo‘lsa, endi uning yangi rasmlarini topish oson ish emas.
2021-yil iyul oyida muxlislar nihoyat Melaniyani ko‘rishdi. Amerika Qo‘shma Shtatlarining sobiq birinchi xonimi qiyofasida deyarli hech narsa o‘zgarmagandi: avvalgidek qora ko‘zoynak, yengil soch turmagi, jiddiy yuz ifodasi, monoxrom obraz. Faqatgina bir farq bor — jozibali manikyur.
Ko‘rinishidan, Melaniya yozda maroqli hordiq chiqarib, yangi kuch bilan paydo bo‘lgan ko‘rinadi. Hamma yerda uni eri hamrohligida yurganini ko‘rish mumkin.
Oktabr oyida er-xotin kutilmaganda Houston Astros va Atlanta Braves o‘rtasidagi beysbol o‘yiniga birga keldi. Melaniya va Donald barchaga tabassum qilib, ularda hammasi yaxshi ekanini butun tashqi ko‘rinishi bilan ko‘rsatishdi. Internetda ehtimol, er-xotin siyosatda yangi pog‘ona uchun birlashgan degan gaplar tarqaldi.
Xuddi shu nazariyani tasdiqlagandek, noyabr oyida Tramp xonim hatto mehridaryo qalbi uchun mukofot ham oldi. U “Linkoln ruhi” mukofoti bilan taqdirlandi.
Tadbirga Melaniya turmush o‘rtog‘i hamrohligida kelgan. Suratga berilgan izohlarda Melaniya endi AQShning birinchi xonimi emasligidan afsuslanishlari, shu bilan birga, ko‘pchilik hali ham Tramplarni “birinchio xonim va janob prezident” deb atashlari yozilgan.
Aytgancha, o‘sha oqshom Melaniya qanchalik ajoyib ko‘rinishga ega ekanligini alohida ta’kidlash kerak. Bashang Valentino ko‘ylagi, doimgidek baland poshnali tufli, orqaga yig‘ilgan soch va sevimli smoki bu ko‘rinishni chinakamiga hashamatli qildi.
Dekabr oyi boshida Tramp xonim Respublikachilar partiyasi bilan Rojdestvo mitingida uchrashganida betakror obrazi bilan yana porladi. Tadbirga kelgan Melaniya Alaia libosida benuqson ko‘rinardi.
Internetda ko‘pchilik er-xotin nafaqat tez-tez omma oldida paydo bo‘lishni, balki bir-birlariga bo‘lgan his-tuyg‘ularini g‘urur bilan namoyish etishlarini ta'kidladilar. Endi ular qo‘l ushlasshib yuradi, bir-birini bag‘riga bosadi, romantik raqsga tushishadi - umuman olganda, ular Donald prezidentlik yillarida ko‘pchilik ulardan kutgan hamma narsani qilishadi.
Biroq internet foydalanuvchilari orasida Melaniya o‘z rolini juda yaxshi o‘ynamoqda, degan fikrlar ham bor. Misol uchun, ushbu fotosuratda ko‘pchilik Tramp xonimning tabassumini majburiy va “plastik” deb hisoblaydi.
Ushbu tadbir tashkilotchisi Eshli Garri Melaniya va Donald eng yoqimtoy va kamtar ekanini ekanligini ta’kidladi.
Bularning bir qismi bo‘lish qanday baxt. Prezident Tramp bilan gaplashish va go‘zal birinchi xonim bilan uchrashish men uchun sharaf. Ular mehribon, zamonaviy, ajoyib va kamtar odamlar, — deydi Garri o‘zining Instagram sahifasida.Melaniya yana birinchi xonim maqomiga qaytishga tayyorlanyaptimi yoki yo‘qmi, hozircha noma’lum. Shunday bo‘lsa-da, Tramp xonim to‘liq qurollangan: u maftunkor, yoqimtoy, hamma undan ko‘z uzolmaydi — eng muhimi, Melaniyaning shaxsiy hayoti hali ham millionlab odamlarni hayajonlantiradi.
Mavzuga doir:
- Mukammal juftlik: prezidentlar va birinchi xonimlarning bir-biriga uyg‘un betakror obrazlari (foto)
- Oq uydan keyingi hayot: prezidentlik muddatidan so‘ng AQSHning sobiq birinchi xonimlari nima bilan shug‘ullanadi?
- Abadiy klassika: malika va birinchi xonimlarning hech qachon urfdan qolmaydigan 6 ta soch turmagi
- Mevalarga boy ratsion va tizimli ovqatlanish: Melaniya Trampning fastfudni yaxshi ko‘rishiga qaramay, sarvqomat ekani sababi nimada?
Izoh (0)