Yevropa aholisining 7 foizi 2021-yilda uylarini isitolmagan — OAV
Yevropa Ittifoqida (YI) energetika inqirozi 2021-yilda boshlangan, o‘shanda 12 oylik yakunlariga ko‘ra Yevropa mamlakatlari umumiy aholisining 7 foizi o‘z uylarini isitish imkoniga ega bo‘lmagan. Bu haqda Jahon iqtisodiy forumi ma’lumotlariga tayanib, Arab telekanali Al Mayadeen xabar berdi.
Jahon iqtisodiy forumi ta’kidlaganidek, energetika inqirozi 2022-yil fevral oyi oxirida Ukrainadagi mojaro avj olishidan oldin ham boshlangan: 2021-yilda Yevropa Ittifoqi aholisining deyarli 7 foizi o‘z uylarini isita olmagan, — deyiladi materialda.
Qayd etilishicha, o‘tgan yili Bolgariya energiya jihatdan eng kambag‘al davlat bo‘lgan. Bu yerda har to‘rtinchi aholi (23,7 foiz) uyni isitishda qiyinchiliklarga duch kelgan.
Undan keyingi o‘rinlarni Litva va Kipr egallagan, bu ko‘rsatkich mos ravishda 22,5 foiz va 19,4 foizni tashkil etadi.
Joriy yilda mintaqada inqiroz kuchaygan. Xalqaro valyuta jamg‘armasi (XVJ) ma’lumotlariga ko‘ra, bunga Yevropa Ittifoqi mamlakatlarida energiya resurslari tanqisligi sabab bo‘lgan.
Mavzuga doir:
- “Biznes uchun nokaut”: Germaniyadagi kompaniyalar energiya inqirozi tufayli ishlab chiqarishni boshqa mamlakatlarga ko‘chirmoqchi
- Jahon iqtisodiyoti 2009-yildagi inqiroz darajasida sekinlashishi prognoz qilindi
- Yevropada qish uchun gaz poygasi allaqachon boshlangan — WSJ
