2023-yilda global iqtisodiy o‘sish 2009-yildagi moliyaviy inqiroz bilan taqqoslanadigan darajaga sekinlashadi. Bu haqda Robin Bruks boshchiligidagi Xalqaro moliya instituti (IIF) tahlilchilari tomonidan tayyorlangan tadqiqotga tayanib, Bloomberg xabar berdi.
Unda qayd etilishicha, 2023-yilda jahon yalpi ichki mahsuloti 1,2 foizga o‘sadi. Bu 2009-yildagi kabi past o‘sishdir.
Jahon yalpi ichki mahsulotidagi pasayishning jiddiyligi asosan Ukrainadagi urush qanday borishiga bog‘liq, — deydi IIF tahlilchilari.
IIF ma’lumotlariga ko‘ra, iqtisodiy o‘sishning sekinlashishi Ukrainadagi urush ta’siriga eng ko‘p tushgan Yevropada sodir bo‘ladi: mintaqa mamlakatlari iqtisodiyoti 2 foizga qisqaradi.
2023-yilda AQSH yalpi ichki mahsuloti 1 foizga o‘sadi. Umumiy fonda esa “ijobiy ravishda ajralib turadigan” Lotin Amerikasi bo‘ladi — unda iqtisodiy o‘sish 1,2 foizni tashkil qiladi.
Qit’aning tovar eksportchilari oziq-ovqat va energiya narxining yuqoriligidan foyda ko‘radi, — deydi tahlilchilar.
IIF ma’lumotlariga ko‘ra, kelgusi yil global iqtisodiyotning yagona eng katta “haydovchisi” Xitoy bo‘ladi, bu esa COVID-19 sabab bo‘lgan cheklovlarni yengillashtirishi mumkin.
Oktabr oyida Xalqaro valyuta jamg‘armasi (XVJ) 2023-yilda global iqtisodiy o‘sish prognozini 2,7 foizgacha pasaytirdi. Iyul oyida XVJ o‘sishni 2,9 foiz, yanvarda 3,8 foiz bo‘lishini taxmin qilgan edi.
Avvalroq jahon bozorlarida asosiy oziq-ovqatlar narxlari pasayishi kutilayotgani haqida xabar berilgandi.
Izoh (0)