Maskning siyosati tufayli Twitter asosiy reklama beruvchilarini yo‘qotmoqda
Biznesmen Ilon Maskning ijtimoiy tarmoqni boshqarish siyosati fonida yirik brendlar va reklama agentliklari Twitter’dagi reklamalarni to‘xtatib qo‘ydi. Bu haqda Financial Times xabar bermoqda.
Ta’kidlanishicha, Twitter’dagi ommaviy ishdan bo‘shatishlar tufayli ko‘plab brendlar reklama kampaniyalarini o‘tkazishda qiyinchiliklarga duch kelmoqda.
FT ma’lumotlariga ko‘ra, reklama agentliklari Twitter reklama bo‘limida o‘z vakillarini yo‘qotdi va endi reklama kampaniyalari bo‘yicha fikr-mulohazalarni ololmaydi. Ulardan ba’zilari reklama kampaniyalarini olib borishda texnik muammolarga ham duch kelgan.
Ilon Mask saytdagi reklama xarajatlarini kamaytirgan yirik brendlar rahbariyati bilan shaxsan bog‘lanishga urinib ko‘rgan. Biroq bir qator kompaniyalar reklama sarmoyalarini minimal darajaga tushirishga qaror qilgan.
Shuningdek, dunyoning eng boy odami yetakchi brendlar va reklama agentliklari vakillari bilan ularni tinchlantirish uchun bir qator uchrashuvlar va qo‘ng‘iroqlar o‘tkazgan.
Oktabr oyi oxirida Ilon Mask Twitter’ni 44 milliard dollarga sotib olish bo‘yicha kelishuvni yakunlagan edi.
Kompaniyaga kelganidan keyin xodimlarning yarmi qisqartirildi, Mask esa kelajakda xodimlarni kengaytirishga va’da berdi.
Ilon Mask kelishidan oldin Twitter’ning reklama daromadi yiliga taxminan 5 milliard dollarni tashkil qilgan
