Bugun,

  • USD 11095.31
  • RUB 173.84
  • EUR 10772.44

Shimoliy Koreya yetakchisi Kim Chen Inning aytishicha, mamlakatning bosh maqsadi — dunyodagi eng qudratli strategik yadroviy kuchga ega bo‘lish. Koreya markaziy axborot agentligi (KCNA) uning so‘zlaridan iqtibos keltirdi.

Foto: KCNA

Foto: KCNA
Davlatimiz va xalqimiz qadr-qimmati, suverenitetini hamisha ishonchli himoya qilish uchun yadroviy kuchlarni barpo etishdek buyuk pirovard maqsadimiz — eng ulug‘ va eng muhim inqilobiy maqsaddir. Bizning bosh maqsadimiz esa dunyodagi eng qudratli strategik kuchlarga, o‘tgan asrlarda hech kim ko‘rmagan mutlaq kuchga ega bo‘lish, —  deyiladi Kim Chen Inning harbiylar va olimlarga murojaatida.
U 18-noyabr kuni “Xvason-17” qit’alararo ballistik raketasini uchirishda ishtirok etgan harbiylar, olimlar va texnik xodimlarni taqdirlash va rag‘batlantirish bo‘yicha ham ko‘rsatma bergan. KCNA sinovda ishtirok etgan jami 106 kishining ismini keltiradi.

Avvalroq Kim Chen Inning ushbu harbiylar bilan surati chop etilgandi. Unda KXDR rahbarining qizi ham bor.

9-sentabr kuni Shimoliy Koreya o‘zini yadro quroliga ega davlat deb e’lon qilgan edi. Koreya yarim orolini yadrosizlantirish chaqiriqlariga javoban Kim Chen In KXDR hech qachon yadro qurolidan voz kechmasligini aytgan. Kuzda KXDR bir qator raketa sinovlarini amalga oshirdi, bu esa mintaqadagi keskinlikni kuchaytirdi. AQSH Rossiya va Xitoy Shimoliy Koreyani yadroviy sinovlarni qayta boshlamaslikka ko‘ndira olishiga umid qilmoqda.

Izoh
Asosiy yangiliklar
Dunyo
Turkiya Finlyandiya va Shvetsiyaning NATOga kirish haqidagi arizalarni alohida-alohida ko‘rib chiqishi mumkin
Mahalliy
Shavkat Mirziyoyev Islom Karimov haykali poyiga gul qo‘ydi
Mahalliy
O‘zbekistonda dollar kursi pastladi