Kilian Mbappe Fransiya terma jamoasida Zidanga yetib oldi, mundialdagi gollar bo‘yicha Anrini ortda qoldirdi

Fransiya terma jamoasi hujumchisi Kilian Mbappe JCH—2022 2-turi doirasida Daniyaga qarshi kechgan bahsda (2:1) dubl muallifiga aylandi.

23 yoshli futbolchi Jahon Chempionatlaridagi 6 va 7-golini urgan holda, Zinedin Zidan (5) va Tyerri Anrini (6) ortda qoldirdi. Fransiya futbolchilaridan faqat Jyust Fonten (13) undan oldinda.

Ayni vaqtda to‘p surayotgan futbolchilardan faqat Tomas Myuller (10), Krishtianu Ronaldu (8) va Lionel Messi (8) bu borada Kilianni ortda qoldiryapti. Rekordchi Miroslav Kloze hisobida esa 16 ta gol mavjud.

Mbappe Fransiya terma jamoasidagi gollari sonini 31 taga yetkazdi va bu borada Zinedin Zidanga yetib oldi. Mbappe to‘purarlar ro‘yxatida David Trezege (34), Karim Benzema (37), Mishel Platini (41), Antuan Grizmann (42), Tyerri Anri va Olivye Jirudan (51) ortda.

Kilian klub va terma jamoa safida 2022-yilgi gollari sonini 50 taga yetkazdi. 2021-yilda ham futbolchi 50+ gollik dovondan o‘tgandi.

Mavzuga doir: Fransiya amaldagi jahon chempionlarining noxush seriyasiga yakun yasadi