Futbol bo‘yicha JCH—2022 2-turidan o‘rin olgan bahsda Argentina va Meksika 26-noyabr, shanba kuni o‘zaro to‘qnash keldi.
Uchrashuvning birinchi bo‘limida darvozalar ishg‘ol etilmadi. Ikkinchi bo‘limda Argentina to‘pni ko‘proq nazorat qila boshladi. Biroq meksikaliklar himoyada ishonchli harakat qildi. 64-daqiqada Lionel Messi kutilmaganda jarima maydoni tashqarisida zarba berib, gol urdi. 87-daqiqada esa Enso Fernandes argentinaliklarning ikkinchi goliga mualliflik qildi va ishonchli g‘alabani ta’minladi.
Shu tariqa Argentina 3 ochko jamg‘arib, 2-o‘ringa ko‘tarilib oldi va guruhdan chiqish imkoniyatini saqlab qoldi. Meksika hisobida esa 1 ochko mavjud va 4-pog‘onadan joy olgan.
C guruhining ikkinchi o‘yinida Polsha Saudiya Arabistoni ustidan 2:0 hisobida g‘alaba qozondi.
JCH—2022
2-tur bahsi
26-noyabr,shanba
Argentina — Meksika 2:0
Gollar: 1:0 – 64 Messi, 2:0 – 87 Fernandes.Argentina: Martines, Montel (Molina, 63), Otamendi, Martines, Akunya, Di Mariya (Romero, 69), Mak Allister (Palasios, 69), De Paul, Rodriges (Fernandes, 57), Messi, Martines (Alvares, 63).
Meksika: Ochoa, Alvares (Ximenes, 66), Moreno, Arauxo, Montes, Galyardo, Guardado (Gutyerres, 42), Errera, Chaves, Losano (Alvarado, 73), Vega (Antuna, 66).
Ogohlantirishlar: Arauxo (22), Montel (43), Gutyerres (50), Errera (66), Alvarado (89).
Izoh (0)