JCH—2022. Fransiya Kilian Mbappening dubli evaziga Daniyani mag‘lub etdi
Futbol bo‘yicha JCH—2022 2-turidan orin olgan bahsda Fransiya 26-noyabr, shanba kuni Daniya bilan bahs olib bordi.
Uchrashuvning birinchi bo‘limida jamoalar ehtiyotkorroq harakat qildi. Shu sababdan darvozalar ishg‘ol etilmadi. Ikkinchi bo‘limda esa jamoalar hujumkorlik taqdim etdi. Dastlab 61-daqiqada Kilian Mbappe fransuzlarni hisobni oldinga olib chiqqan bo‘lsa, 68-daqiqada Andreas Kristensen muvozanatni tikladi. 86-daqiqada esa Kilian Mbappe Grizmanning havodan uzatmasini golga aylantirib, dublni rasmiylashtirdi.
Shu tariqa fransuzlar ochkolarini 6 taga yetkazib, guruh peshqadamligini mustahkamladi va pley-off yo‘llanmasini hal qildi. Daniya esa 1 ochko bilan 3-pog‘onani band etgan.
D guruhining birinchi o‘yinida Avstraliya Tunis ustidan 1:0 hisobida g‘alaba qozondi.
JCH—2022
2-tur bahsi
26-noyabr,shanba
Fransiya — Daniya 2:1
Gollar: 1:0 – 61 Mbappe, 1:1 – 68 Kristensen, 2:1 — 86 Mbappe.Fransiya: Lyoris, Kunde, Varan (Konate, 75), Upamekano, Ernandes, Rabyo, Tchuameni, Jiru (Tyuram, 63), Grizmann (Fofana, 90+3), Dembele (Koman, 75), Mbappe.
Daniya: Shmeyxel, Kristensen (Ba, 90+2), Kristensen, Andersen, Nelsson, Mele, Eriksen, Hyoyberg, Damsgor (Dolberg, 73), Lindstrem (Norgard, 85), Kornelius (Breytueyt, 46).
Ogohlantirishlar: Kristensen (20), Kornelius (23), Kunde (43).
