Fransiya amaldagi jahon chempionlarining noxush seriyasiga yakun yasadi

Fransiya terma jamoasi JCH—2022 2-turida Daniyani yengib (2:1), pley-off masalasini muddatidan avval hal qildi.

Shu tariqa amaldagi chempion keyingi musobaqada guruhdan chiqa olmaslik seriyasi yakunlandi. JCH—2006 dan keyin amaldagi jahon chempioni guruhda qolib ketayotgandi.

So‘nggi bor JCH—2002 g‘olibi Braziliya 2006-yilgi mundialda guruhdan chiqqan va chorak finalda Fransiyaga yengilgandi.

2006-yilda chempion bo‘lgan Italiya 2010-yilgi JCHda Paragvay, Slovakiya va Yangi Zelandiya bilan bir guruhdan joy olib, so‘nggi pog‘onada qolib ketgan.

JCH—2010 g‘olibi Ispaniya esa 2014-yilda Niderlandiya, Chili va Avstraliyaga qarshi tushgan hamda guruhda uchinchi o‘rinni egallagan.

2014-yildagi mundial chempioni Germaniya JCH—2018 da Shvetsiya, Meksika va Janubiy Koreya joy olgan guruhda so‘nggi o‘rindan joy olgan.