Isroil HAMASning 6 ta yuqori martabali dengiz qo‘mondonini yo‘q qilganini e’lon qildi

So‘nggi bir necha oy ichida Isroil dengiz floti, Harbiy razvedka boshqarmasi, Shin Bet va Janubiy qo‘mondonlik Falastinning HAMAS harakatining dengiz qo‘mondonligi bo‘linmasidan olti nafar yuqori martabali qo‘mondonini o‘ldirgan. Bu haqida Isroil mudofaa kuchlari (IDF) ma’lum qildi.

“O‘ldirilgan terrorchilar ‘Temir qilichlar’ urushi davrida Isroil davlati fuqarolari va xavfsizlik kuchlariga qarshi dengizda teraktlar uyushtirishga hissa qo‘shgan”, deyiladi bayonotda.

Isroil tomonning iddao qilishicha, yo‘q qilingan shaxslarning bir qismi 2023-yil 7-oktyabr kuni Isroilga bo‘lgan hujumni rejalashtirishda ishtirok etgan.

“Janubiy qo‘mondonlikning jangovar amaliyotlari doirasida ID va Shin Bet HAMASning dengiz kuchlariga qarshi harakat qilmoqda va ko‘plab nishonlar — kemalar, qurol-yarog‘ omborlari va boshqa obyektlarni yo‘q qilmoqda”, deyiladi xabarda.