Namanganda mashina olib qochib, unda YTHga uchragan 16 yoshli o‘smir qamoqqa olindi (foto)
Namangan viloyati Chortoq tumanida voyaga yetmagan shaxs avtomashinani olib qochib, yo‘l-transport hodisasiga uchradi. Bu haqda Tergov departamenti axborot xizmati xabar berdi.
Keltirilishicha, 21-noyabr kuni Chortoq tumanida yashovchi 29 yoshli A.O. tuman IIBga ariza bilan murojaat qilgan. Unda shu kuni soat 02:30 da noma’lum shaxs uning xonadoni oldida bo‘lgan Nexia-2 avtomashinasini qarovsiz qoldirilganidan foydalanib, olib qochib ketilganini bildirgan.
Olib borilgan tezkor-qidiruv ishlar natijasida jabrlanuvchiga tegishli bo‘lgan Nexia-2 noma’lum shaxs tomonidan Pop tumani “Qo‘shminor” MFYdan o‘tuvchi A-373 Toshkent–O‘sh avtomobil yo‘lida dastlab yo‘l chetidagi beton ustunga urilib, so‘ngra pastlikka tushib ketgan holda topilgan.
Mazkur jinoyatni sodir etgan shaxsga dastlab birinchi tez-tibbiy yordam ko‘rsatilib, shaxsiga oydinlik kiritilganda u muqaddam sudlangan, Chartoq tumanida yashovchi voyaga yetmagan 16 yoshli M.A. ekani aniqlangan.
Holat yuzasidan Chortoq tumani IIB huzuridagi tergov bo‘linmasi tomonidan M.A.ga nisbatan Jinoyat kodeksning 267-moddasi 1-qismi (transport vositasini olib qochish) bilan jinoyat ishi qo‘zg‘atilib, haydovchiga jiddiy shikast yetmagani sababli unga nisbatan qamoqqa olish tarzdagi ehtiyot chorasi qo‘llangan. Hozirda tergov harakatlari olib borilmoqda.
Mavzuga doir:
- Qarshida Nexia-2 haydovchisi jarima maydonchasiga tushgan mashinasini olib qochib ketdi (video)
- Buxoro shahrida 49 yoshli erkak Koreya fuqarosining yuk mashinasini olib qochdi
