Руминия, Болгария ва Албания: Европанинг яшаш учун энг арзон давлатлари эълон қилинди

2023 йилда яшаш учун Европанинг энг арзон давлатлари эълон қилинди. Бу ҳақда Unian хабар бермоқда.

Маълумотларга кўра, Руминия, Болгария ва Албания Европанинг келгуси йилда яшаш учун энг арзон давлатлари деб топилди.

Schengenvisainfo маълумотларига кўра, кўчиб ўтиш учун мамлакатни танлашда яшаш нархининг сифатга нисбатини ҳам ҳисобга олиш муҳим ва шу нуқтаи назардан, танлов Шарқий Европанинг олти давлатига тўғри келиши мумкин.

Руминия

Шарқий Европада яшаш харажатлари энг паст бўлган мамлакат бир қатор сабабларга кўра кўплаб хорижликлар учун машҳур кўчиш жойидир: дўстона одамлар, арзон озиқ-овқат, муносиб турмуш шароити ва гўзал мамлакат.

Руминияда бир киши бошига яшаш нархи ойига 499 долларни ташкил этади, уй-жой ижараси бундан мустасно.

Пойтахт Бухарестда уй-жойнинг ойлик нархи ойига 200-300 доллар, бошқа шаҳарларда — 150-200 доллар, студия ўртача 75 долларга туради.

Коммунал хизматлар ўртача 115 доллар, ойлик чипта эса 18 доллар туради. Руминияда энг кам иш ҳақи 472 долларни ташкил қилади. Мамлакатда яшаш учун энг арзон шаҳарлар — Тимисоара, Клуж-Напока, Констанса ва Сибиу.

Болгария

Ушбу рўйхатда иккинчи ўринни Болгария эгаллади. Мамлакатдан арзон қишлоқ мулки ёки шаҳардаги ҳашаматли квартираларни эҳтиёж ва бюджетга мослаб топа олиш кафолатланади.

Болгарияда ижара ҳақини ҳисобга олмаганда киши бошига яшаш нархи ойига тахминан 506 долларни ташкил қилади. Пойтахтда уйни ижарага олиш ойига ўртача 350-500 долларга тушади, ундан ташқарида эса 175-200 доллар.

Болгарияда коммунал хизматлар ойига ўртача 110 доллар туради. Жамоат транспорти учун ойлик чипта нархи тахминан 27 доллар. Мамлакатда энг кам иш ҳақи 372 долларни ташкил қилади. Болгарияда яшаш учун энг арзон шаҳарлар — Велико Тıрново, Пловдив, Варна ва Бургас.

Албания

Рейтинг бўйича учинчи ўринни эгаллаган ушбу давлатни мафтункор табиат ва арзон турмуш шароити кўплаб хорижликлар учун ажойиб танлов.

Албанияда ижара ҳақини ҳисобга олмаганда бир киши учун тахминий яшаш нархи ойига тахминан 420 долларни ташкил қилади. Пойтахт Тиранада уйни ижарага олиш ойига ўртача 400 доллар, бошқа шаҳарларда эса 150-250 доллар туради.

Коммунал хизматлар ўртача 80 доллар, ойлик чипта эса 11 доллар. Албанияда энг кам иш ҳақи 281 долларни ташкил қилади. Мамлакатда яшаш учун энг арзон жойлар — Тирана, Дуррес, Саранда ва Влора каби шаҳарлардир.

Чехия

Европада яшаш учун энг арзон мамлатлар рўйхатида тўртинчи ўрин бўлган нисбатан кичик мамлакат бой ва узоқ тарихга эга, шунингдек, хавфсиз ва қулай. Чехияда киши бошига яшашнинг тахминий қиймати 627 долларни ташкил этади (ижарадан ташқари).

Уй-жойни Прагада ойига 350-800 долларга, бошқа шаҳарларда эса 250 долларга ижарага олиш мумкин. Коммунал хизматлар ўртача 270 доллар, ойлик чипта эса 23 доллар туради.

Чехияда энг кам иш ҳақи 672 долларни ташкил қилади. Мамлакатда яшаш учун энг арзон шаҳарлар Bornо, Пилсен, Острава ва Оломоус ҳисобланади.

Польша

Бешинчи ўриндаги бу мамлакат Европанинг энг гўзал жойларидан бири. Польшада киши бошига ойлик яшаш харажатлари ижара ҳақини ҳисобга олмаганда 525 долларни ташкил қилади.

Пойтахт Варшавада уй-жой ижараси ойига ўртача 400-700 долларга тушади, ундан ташқарида эса 200 доллар.

Польшада коммунал хизматлар ойига ўртача 70-100 долларни ташкил қилади, ойлик чипта тахминан 24 долларни ташкил қилади ва энг кам иш ҳақи 655 доллар. Польшада яшаш учун энг арзон шаҳарлар — Катовице, Белйсток ва Рзешов.