Afg‘onistonda 2023-yil misli ko‘rilmagan qurg‘oqchilik avj olishi prognoz qilindi

Save the Children tashkiloti Afg‘onistonda iqlim o‘zgarishi ortidan yuzaga kelgan iqtisodiy inqiroz va qurg‘oqchilik oilasi qishloq xo‘jaligi bilan shug‘ullanadigan 13,2 million bolaning hayotiga tahdid solishini ma’lum qildi. Bu haqda Hasht-e Subh Daily xabar berdi.

Tashkilot e’lon qilgan hisobotga ko‘ra, iqlim o‘zgarishi Afg‘onistondagi bolalarning 70 foizini turli muammolarga, ayniqsa og‘ir mehnatga duch kelgan. Qishloq joylarida yashovchi 28 millionga yaqin aholini iqlim o‘zgarishi sababli qishloq xo‘jaligi va chorvachilikda jiddiy muammo kutmoqda.

Hisobotda qo‘shimcha qilinishicha, to'yib ovqatlanmaslikdan aziyat chekayotgan bolalar 2021-yilga nisbatan qariyb 50 foizga oshgan.

“Afg‘onistonda 2023-yil misli ko‘rilmagan qurg‘oqchilik avj olishi bashorat qilinmoqda. Yozgi suv toshqinlari 85 ming gektardan ortiq yerni vayron qilgan, 85 mingdan ortiq qoramol esa nobud bo‘lgan”, deydi tashkilot.

Mavzuga doir:

• “Tolibon”ning qora oltini: Afg'onistonda bolalar mehnati yordamida ko‘mir qazib olish ko‘paydi
• BMT “Tolibon”ni Afg‘onistonda inson huquqlarini poymol qilishda aybladi
• BMT Afg‘onistondagi zilziladan jabrlanganlarga yordam berish uchun 110 mln dollar so‘radi