O‘zbekiston elektron hukumat reytingi bo‘yicha dunyoda 9-o‘rinni egalladi

Bne IntelliNews onlayn nashrida “O‘zbekiston 2022-yilda Samarqandda bo‘lib o‘tgan AKT haftaligida IT sohasidagi muvaffaqiyatlarni namoyish etdi” sarlavhali maqola e’lon qilindi, deb xabar bermoqda “Dunyo” axborot agentligi.

Maqolada yozilishicha, O‘zbekistonda ICTWeek-2022 axborot-kommunikatsiya texnologiyalari haftaligi Shavkat Mirziyoyev rahnamoligida amalga oshirilayotgan ulkan iqtisodiy islohotlar dasturi samaralarini keng namoyish etish imkonini bergan.

“Jahon banki O‘zbekiston misli ko‘rilmagan iqtisodiy va ijtimoiy o‘zgarishlarni boshidan kechirayotganini ta’kidladi. ICTWeek-2022 ko‘rgazmasida ma’ruzachilar ham bunga dalillarni e’tirof etdi: O‘zbekiston ayni paytda elektron hukumat reytingi bo‘yicha dunyoda 9-o‘rinni egallab turibdi, bu o‘tgan yilga nisbatan 18 pog‘ona yuqori. Mamlakatning bundan ham yuqoriga ko‘tarilishi kutilmoqda

Vazir Sherzod Shermatov Toshkent texnoparki ishtirokchi bo‘lgan rezidentlar 2028-yil 1-yanvarga qadar soliqlardan to‘liq ozod etilganini aytdi. Ushbu soha xodimlariga beriladigan IT vizasi esa O‘zbekiston fuqarolari bilan deyarli bir xil huquqlarni taqdim etadi va ularga ko‘chmas mulk sotib olish imkonini beradi”, — deb yozadi Britaniya nashri.