Bugun,

  • USD 11095.31
  • RUB 173.84
  • EUR 10772.44

Ukrainadagi mojaroni Rossiya qo‘shinlari olib chiqib ketilgandan keyingina hal qilish mumkin, dedi AQSH prezidenti Jo Bayden Merilend shtatidagi Andrews aviabazasiga ketayotib.

Foto: Global Look Press

Foto: Global Look Press

“Men Rossiya prezidenti Vladimir Putin harbiy kuchlarni Ukrainadan olib chiqmaguncha, mojaro hal bo‘ladi deb o‘ylamayman”, — dedi Bayden jurnalistlarga.

Kiyev bir necha bor Rossiya armiyasining mamlakat hududidan olib chiqilishini Moskva bilan muzokaralar sharti deb atagan. Jumladan 8-noyabr kungi bayonotida prezident Vladimir Zelenskiy Ukraina Rossiyadan “hududiy yaxlitlikni tiklashini, BMT Nizomini hurmat qilishini, urush oqibatida yetkazilgan barcha zararni qoplashini, har bir harbiy jinoyatchini jazolashini va bu boshqa takrorlanmasligiga kafolat berishini” kutayotganini ta’kidladi.

Keyinroq Zelenskiyning Rossiya bilan muzokara shartlari haqidagi bayonoti AQSHning “yengilgina turtkisi” bilan bog‘liq bo‘lgani haqida xabar berildi.

30-sentabr kuni Kremlda Donetsk va Lugansk xalq respublikalari hamda Ukrainaning Xerson va Zaporojye viloyatlari bosib olingan qismlarining “Rossiya tarkibiga kirishi” haqida shartnomalar imzolandi. O‘sha kuniyoq Ukraina hukumati NATOga qo‘shilish uchun ariza berdi. Zelenskiy o‘shanda Rossiya bilan muloqotga tayyorligini aytgan, lekin “boshqa prezident bilan” degan edi.

4-oktabr kuni esa Ukraina rasman Putin bilan har qanday muzokaralardan bosh tortdi.

Izoh
Asosiy yangiliklar
Mahalliy
Bosh vazir va Toshkent shahar hokimi binolarning 1-qavatidagi kafe va do‘konlarni buzish bo‘yicha ko‘rsatma bergani rad etildi
Dunyo
Xalqaro bedarak yo‘qolganlar haftaligi, 20 ming dollarlik echki, qayta avj olayotgan denge epidemiyasi — 31-may suratlari
Mahalliy
Qoraqalpog‘istonning Mo‘ynog‘idagi “Kemalar qabristoni” — suratlarda