Toshkentning Yakkasaroy tumanida Nexia-2 va Lacetti to‘qnashishi oqibatida bir kishi halok bo‘ldi, yana 5 nafari tan jarohati oldi.
Poytaxt IIBB bergan ma’lumotga ko‘ra, voqea 7-noyabr kuni taxminan soat 19.30 larda Muqimiy ko‘chasida yuz bergan. 1999-yilda tug‘ilgan B.A. boshqaruvidagi Nexia-2 va 2004-yilda tug‘ilgan J.O. boshqaruvidagi Lacetti to‘qnashgan.
Nexia-2 yo‘lovchisi 1998-yilda tug‘ilgan Sh.E. olgan tan jarohatlari natijasida voqea joyida vafot etgan. Nexia-3 va Lacetti haydovchisi va yo‘lovchilari: 1995-yilda tug‘ilgan T.O., 1996-yilda tug‘ilgan B.Q., 2001-yilda tug‘ilgan M.Q. turli darajadagi tan jarohatlari bilan kasalxonaga yotqizilgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.
Izoh (0)