“Milan” hujumchisi Zlatan Ibrahimovich Kilian Mbappening “PSJ”da qolganiga munosabat bildirdi.
U uchun to‘g‘ri qaror bo‘ldimi? Yo‘q. Parij uchun-chi? Ha. Parij uchun emas, “PSJ” uchun.Eslatib o‘tamiz, Kilian Mbappega “Real” jiddiy qiziqish bildirgandi. Biroq fransuz “PSJ” bilan 2025-yilgacha mo‘ljallangan shartnoma imzoladi. Futbolchining onasi quyidagicha bayonot bergan: “Real” va “PSJ” bilan kelishuvimiz bor, takliflar teng. Faqat Kilian ulardan birini tanlashi kerak”.U “PSJ” uchun to‘g‘ri, lekin o‘zi uchun xato qaror qabul qildi. Chunki Mbappe o‘zini shunday holatga soldiki, natijada klubdan-da muhimroq bo‘lib qoldi. “PSJ” esa buning uchun kalitlarni berdi. Lekin sen klubdan muhimroq bo‘lishing kerak emas.
Bunday yigit katta bo‘lsa, osonlikcha pul topishi mumkin. Shu tariqa ota-onasi uning advokati, agenti va murabbiyi bo‘ladi. Turmush darajang o‘zgaradi. Va bu muammo. Bu vaqtda sen intizomingni, o‘zligingni yo‘qotasan.
Yangi avlod o‘yinchilarining ota-onalari o‘zlarini yulduz deb hisoblay boshlagan. Ular OAVda chiqish qiladi. O‘zingdan kimni yasab olding? Jim bo‘l va joyingni bil. O‘g‘lingiz mehnat qilishi va intizomli bo‘lishi lozim.
Men Mbappeni inson sifatida yaxshi bilmayman. Futbolchi sifatida esa u qoyilmaqom. Intizomni yo‘qotsang, o‘zingni ham yo‘qotasan.
Zidanning Zidan bo‘lishiga sabab bor. Mbappe unga taqlid qilmoqchimi? U xohlaydigan yagona narsa o‘sishga erishish bo‘lishi lozim.
Zlatan Ibrahimovich, “Milan” hujumchisi
Ma’lumot uchun, Mbappe 2018-yildan buyon “PSJ”da o‘ynab kelmoqda. Parijliklar uning transferiga “Monako”dan 180 million yevro to‘lagan.
Izoh (0)