“Barselona” himoyachisi Xerard Pike faoliyatini yakunlaydi. Bu haqida futbolchining o‘zi Instagram sahifasida ma’lum qildi.
Oxirgi haftalar, oylar ko‘pchilik men haqimda gapirdi. Biroq shu vaqtga qadar javob qaytarmadim. Endi esa gapirish navbati meniki.Ma’lumot uchun, 35 yoshli Pike “Barselona" safida 615 ta o‘yinda maydonga tushib, 53 ta gol va 15 ta golli uzatmaga mualliflik qilgan. Ispaniya terma jamoasi bilan esa Jahon va Yevropa chempionligini qo‘lga kiritgan.Xuddi siz kabi men doim “Barselona” muxlisi bo‘lganman. Futbolni sevadigan va “Barselona” muxlisi bo‘lgan oilada tug‘ildim. Bolaligimda futbolchi bo‘lishni emas, “Barselona” o‘yinchisi bo‘lishni orzu qilardim.
So‘nggi vaqtlar o‘sha bolakat haqida o‘yladim. Unga nima degan bo‘lardim? Orzularing ushaladi, jamoaning asosiy tarkibida o‘ynaysan, erishish mumkin bo‘lgan barcha sovrin, hattoki Jahon va Yevropa chempionligini ham qo‘lga kiritasan, eng yaxshi futbolchilar bilan birga to‘p surasan, sardor bo‘lasan, hayotingda muhim o‘rin tutadigan do‘stlar orttirasan degan bo‘lardim.
“Barselona” a’zosi bo‘lganimga 25 yil bo‘ladi. Men ketganman, biroq ortga qaytish uchun. Futbol menga hamma narsa berdi, “Barsa” menga hamma narsani berdi. Siz, muxlislar, menga hamma narsa berdingiz.
Bolakayning barcha ozrulari amalga oshgach, men o‘z qarorimni e’lon qilmoqchiman — sarguzashtni yakunlash vaqti keldi. Doim “Barselona”dan boshqa jamoa haqida gap bo‘lishi mumkin emasligi haqida gapirganman. Xuddi shunday bo‘lib qoladi.
Shanba kungi o‘yin “Kamp Nou”dagi so‘nggi o‘yinim bo‘ladi. Oddiy muxlis sifatida jamoamni qo‘llab-quvvatlayman. Xuddi ota-onam kabi “Barselona”ga bo‘lgan muhabbatimni farzandlarimga beraman.
Ertami-kechmi ortga qaytamam. “Kamp Nou”da ko‘rishamiz!
Xerard Pike, “Barselona” himoyachisi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)