«Барселона» ҳимоячиси Херард Пике фаолиятини якунлайди. Бу ҳақида футболчининг ўзи Instagram саҳифасида маълум қилди.
Охирги ҳафталар, ойлар кўпчилик мен ҳақимда гапирди. Бироқ шу вақтга қадар жавоб қайтармадим. Энди эса гапириш навбати меники.Маълумот учун, 35 ёшли Пике «Барселона" сафида 615 та ўйинда майдонга тушиб, 53 та гол ва 15 та голли узатмага муаллифлик қилган. Испания терма жамоаси билан эса Жаҳон ва Европа чемпионлигини қўлга киритган.Худди сиз каби мен доим «Барселона» мухлиси бўлганман. Футболни севадиган ва «Барселона» мухлиси бўлган оилада туғилдим. Болалигимда футболчи бўлишни эмас, «Барселона» ўйинчиси бўлишни орзу қилардим.
Сўнгги вақтлар ўша болакат ҳақида ўйладим. Унга нима деган бўлардим? Орзуларинг ушалади, жамоанинг асосий таркибида ўйнайсан, эришиш мумкин бўлган барча соврин, ҳаттоки Жаҳон ва Европа чемпионлигини ҳам қўлга киритасан, энг яхши футболчилар билан бирга тўп сурасан, сардор бўласан, ҳаётингда муҳим ўрин тутадиган дўстлар орттирасан деган бўлардим.
«Барселона» аъзоси бўлганимга 25 йил бўлади. Мен кетганман, бироқ ортга қайтиш учун. Футбол менга ҳамма нарса берди, «Барса» менга ҳамма нарсани берди. Сиз, мухлислар, менга ҳамма нарса бердингиз.
Болакайнинг барча озрулари амалга ошгач, мен ўз қароримни эълон қилмоқчиман — саргузаштни якунлаш вақти келди. Доим «Барселона»дан бошқа жамоа ҳақида гап бўлиши мумкин эмаслиги ҳақида гапирганман. Худди шундай бўлиб қолади.
Шанба кунги ўйин «Камп Ноу»даги сўнгги ўйиним бўлади. Оддий мухлис сифатида жамоамни қўллаб-қувватлайман. Худди ота-онам каби «Барселона»га бўлган муҳаббатимни фарзандларимга бераман.
Эртами-кечми ортга қайтамам. «Камп Ноу»да кўришамиз!
Херард Пике, «Барселона» ҳимоячиси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)