Toshkent shahrida maxsus test imtihonida boshqa fuqaro o‘rniga kirmoqchi bo‘lgan shaxs ushlandi. Bu haqda Tashqi mehnat migratsiyasi agentligi xabar berdi.
Qayd etilishicha, Janubiy Koreyada shartnoma asosida mehnat faoliyatini muvaffaqiyatli tugatib, O‘zbekistonga qaytgan fuqarolar uchun Toshkent shahrida test imtihoni o‘tkazilgan. Unda qoidalarni buzish oqibatlari haqida ogohlantirilganiga qaramay, ro‘yxatdan o‘tgan fuqaro M.F. o‘rniga boshqa fuqaro kirishga uringan vaqtida Tashqi mehnat migratsiyasi agentligi xodimlari tomonidan ushlab qolingan.
Ushbu holat bayonlashtirilib, tegishli tashkilotlarga taqdim etilgan. Test imtihoni qoidalarini buzgan fuqaro 3 yil davomida ushbu imtihonda qatnashish imkoniyatidan mahrum bo‘lishi hamda qonunchilikda belgilangan javobgarlikka tortilishi mumkinligi haqida yana bir bor ogohlantirilgan.
Izoh (0)