Bugun,

  • USD 11095.31
  • RUB 173.84
  • EUR 10772.44

Namanganda tabiiy gazdan foydalanadigan 115 ta issiqxona faoliyat ko‘rsatmoqda. Bu haqda “Daryo” muxbiri Azizbek Abduvaliyev xabar bermoqda.

Foto: “Hududgaz Namangan” matbuot xizmatI

Foto: “Hududgaz Namangan” matbuot xizmatI

Issiqxonalardan 59 tasi gulchilikka ixtisoslashgan, qolganlarida esa asosan pomidor va bodring yetishtiriladi. Ularning eng ko‘pi Davlatobod va To‘raqo‘rg‘on tumanlari hissasiga to‘g‘ri keladi.

“Hududgaz Namangan” gaz ta’minoti filiali mutasaddilarining ma’lum qilishicha, viloyatdagi tabiiy gazdan foydalanadigan issiqxonalar kuz-qish mavsumi kelgani sababli bu resursdan uzilgani yo‘q. Aksincha, ularga tabiiy gazdan samarali foydalanish, zamonaviy tejamkor qurilmalar o‘rnatish va ikkilamchi yoqilg‘i zaxiralarini yaratib qo‘yish yuzasidan tavsiyalar berilmoqda.

Foto: “Hududgaz Namangan” matbuot xizmatI

Foto: “Hududgaz Namangan” matbuot xizmatI

“Olti yildan beri faoliyat yuritamiz, 16 nafar ishchimiz bor. Har yili Rossiya, Qozog‘iston, Qirg‘iziston kabi davlatlarga 150-200 ming dollarlik pomidor eksport qilamiz. ‘Issiqxonalar tabiiy gazdan uzilarkan‘ degan gap-so‘zlarni eshitib, tushkunlikka tushib qolgandik, chunki xorijga 60 ming dollarlik mahsulot jo‘natish arafasidamiz. Ko‘mir nari borsa ikki-uch kunga yarashi mumkin, baribir gazning o‘rnini bosolmaydi. Gazdan uzilmasligimiz, davlat rahbari darajasida ko‘rsatma berilgani aytildi, mutasaddilar o‘zlari kelib, xavotirga o‘rin yo‘q ekanligini tushuntirishdi. Endi bemalol ishimizni davom ettiraversak bo‘ladi”, — deydi To‘raqo‘rg‘on tumanidagi “Ko‘klam zamini” korxonasi ish boshqaruvchisi Bahriddin Abdullayev.

Foto: “Hududgaz Namangan” matbuot xizmatI

Foto: “Hududgaz Namangan” matbuot xizmatI

Ma’lumot uchun, hozirda Namangandagi issiqxonalarga har oy o‘rtacha 5-5,5 million kub tabiiy gaz yetkazib berilmoqda.

Mavzuga doir: O‘zbekistonda issiqxonalar uchun qo‘shimcha 500 mln kub tabiiy gaz yetkazib beriladi

Izoh
Asosiy yangiliklar
Sport
Tata Steel Chess 2023. Nodirbek Abdusattorov amerikalik raqibi bilan durang o‘ynadi va hamon musobaqa peshqadami bo‘lib turibdi. Javohir Sindorovda ham durang
Mahalliy
Surxondaryodan topilgan ayiq bolasi zooparkka topshirildi
Mahalliy
O‘zbek tili darsligida musiqa asboblari nomi xato yozilgani aytildi (video)