Jizzax viloyati Do‘stlik tumanida joylashgan “Manas-14” YPX maskanida sotish uchun olib ketilayotgan 1,2 tonna go‘sht to‘xtatib qolindi.
Viloyat IIB matbuot xizmatining ma’lum qilishicha, ushbu YPX maskanida karantin tadbirlarini ta’minlash guruhi hamkorligida o‘tkazilgan reydda Samarqand—Toshkent yo‘nalishida harakatlanayotgan Isuzu to‘xtatilib tekshirilganda uning yukxonasida noma’lum hayvonga tegishli jami 1,2 tonna go‘sht mahsuloti borligi aniqlangan.
Ushbu go‘sht Samarqand viloyatidan Toshkent shahriga sotish maqsadida olib ketilayotgan bo‘lgan. Go‘sht mahsulotining iste’molga yaroqli yoki yaroqsizligini aniqlashtirish uchun vaqtincha muzxonaga joylashtirilgan.
Mavzuga doir: Toshkent va Buxoro viloyatlarida iste’molga yaroqsiz 2,3 tonnadan ortiq go‘sht sotilishining oldi olindi
Izoh (0)