Bugun,

  • USD 11095.31
  • RUB 173.84
  • EUR 10772.44

Turkiyaning Cimtas Steel kompaniyasi O‘zbekistonda shamol generatorlari uchun minoralar ishlab chiqarishni yo‘lga qo‘yishni rejalashtirmoqda.

Foto: Investitsiyalar va tashqi savdo vazirligi

Foto: Investitsiyalar va tashqi savdo vazirligi

Investitsiyalar va tashqi savdo vazirligi ma’lumotiga ko‘ra, ushbu kompaniya qayta tiklanadigan energetika sohasida foydalanadigan elektr stansiyalari uchun dunyodagi eng yirik uskunalar yetkazib beruvchilardan biri va Turkiyadagi shamol generatorlari uchun minoralar ishlab chiqarishni yo‘lga qo‘ygan birinchi kompaniya hisoblanadi.

Investitsiyalar va tashqi savdo vazirining birinchi o‘rinbosari Nozim Xolmurodov va ushbu kompaniya delegatsiyasi bilan uchrashubda kompaniyaning O‘zbekistonda shamol elektr stansiyalari uchun minoralar ishlab chiqarish loyihasini amalga oshirish bo‘yicha taklifining tashkiliy jihatlari ko‘rib chiqilgan.

Cimtas Steel vakillari O‘zbekistonda joriy qilingan investitsiyaviy muhit, xorijiy investorlar uchun taqdim etilayotgan imtiyoz va preferensiyalar bilan tanishishgach, shamol turbinalari uchun uskunalar yetkazib berish va minoralar ishlab chiqarishni mahalliylashtirishni kompaniyaning O‘zbekistondagi faoliyatining eng maqbul va samarali yo‘nalishlari sifatida belgilab oldi.

Muzokaralar yakunida kompaniya vakillari keyinchalik mahsulotlarni Markaziy Osiyo mamlakatlariga eksport qilish istiqbollarini hisobga olgan holda Toshkent viloyatida shamol turbinalari uchun minoralar ishlab chiqarish loyihasini amalga oshirishga qiziqish bildirdilar. O‘z navbatida, Vazirlik rahbariyati kompaniyaning investitsiya loyihasini amalga oshirishda yordam berishga tayyorligini bildirdi.

Izoh
Asosiy yangiliklar
Mahalliy
“Prava”ni yangisiga almashtirib beradigan onlayn xizmat faoliyatida nosozlik kuzatilmoqda
Mahalliy
O‘zbekistonda gaz zapravkalar qayta ochilishi kutilmoqda
Dunyo
Rossiya Belarusga yangi harbiy qismlar joylashtirdi — Ukraina chegara xizmati