Pezident administratsiyasi rahbari Sardor Umurzoqov boshchiligida o‘tkazilgan majlisda issiqxonalarni muqobil energiya (ko‘mir)ga o‘tkazish masalasi muhokama qilindi.
O‘zAning xabar berishicha, yig‘ilishda so‘zga chiqqan tadbirkorlarning barchasi issiqxonalarni ko‘mir orqali isitishga o‘tish ma’lum vaqt talab etishi, buni avval har tomonlama o‘rganib chiqish, sinchkovlik bilan sinovdan o‘tkazish, tijoriy tomonlarini hisob-kitob qilish zarurligini ta’kidladi.
Mazkur masala yuzasidan ishchi guruh tuzilib, tegishli mutaxassislar va tadbirkorlar bilan birgalikda holatni batafsil o‘rganib chiqish yuzasidan topshiriq berildi.
Bunda ishchi guruh har bir issiqxona kesimida ularning moliyaviy ahvolini o‘rganib chiqib, tadbirkorlarni qo‘llab-quvvatlash yuzasidan aniq asoslangan takliflar tayyorlaydi. O‘z navbatida issiqxona yurituvchi tadbirkorlarga o‘z hosillarini nes-nobud qilmasdan yetishtirib olishi uchun zarur sharoitlar yaratish maqsadida 1 kun ichida tegishli manbalardan moliyaviy mablag‘ bilan ta’minlash bo‘yicha ko‘rsatmalar berildi.
Mavzuga doir: Shavkat Mirziyoyev issiqxonalarning gazdan uzilish holatini zudlik bilan ko‘rib chiqishni topshirdi
Izoh (0)