Qulay va texnologik salon, to‘liq uzatma va brutal tashqi ko‘rinish — bularning barchasi yangi Haval Dargo’da mujassam. Sharq Motors bu avtomobilning universalligi va uning dolzarb narxi haqida so‘zlab beradi.
Haval Dargo krossoveri — bu qo‘pol yo‘ltanlamas va qulay shahar krossoverini birlashtirish urinishi: bir tomondan avtomobil juda jiddiy ko‘rinib, Mercedes Benz Geländewagen va Land Rover Defender modellarini eslatib turadi, boshqa tomondan — mashinaning ichi biznes-klass avtomobillariga o‘xshaydi: panoramali tom, o‘rindiqlar ventilyatsiyasi, tabiiy charm, ikki mavsumli iqlim nazorati va zamonaviy multimediya tizimi.
Bularning barchasi ko‘plab texnologik moslamalar bilan boyitilgan.
Xavfsizlik
Haval Dargo rulida avariyaga uchrash rostan ham oson emas — avtomobil atrofidagi datchiklar va kameralar har doim ehtimoliy to‘qnashuv haqida ogohlantirishga tayyor, ular haydovchi nazoratidan tashqaridagi hududlarni ham kuzatib turadi va piyodalarni payqaydi.
Avtomobilning adaptiv kruiz-nazorati bor, u mashinani kerakli yo‘lakda avtomatik ushlab turadi va boshqa mashinalar bilan kerakli masofani nazorat qiladi.
Haval Dargo’da tormoz tizimi ham bor — bu degani, agar oldingizda to‘satdan piyoda yoki boshqa mashina chiqib qolsa, Haval Dargo o‘zi avtomatik to‘xtab oladi.
Katta yo‘ldagi bir qatordan boshqa qatorga o‘tish ham juda xavfsiz, chunki avtomobil datchiklari haydovchining ko‘zi tushmaydigan hududlarni ham nazorat qiladi. Oldindagi kameralar esa yo‘l belgilarini tanib olib, ularni haydovchi oldidagi monitorga chiqarib beradi.
Bu kameralar va datchiklar to‘plami ayniqsa mashinani to‘xtash joyiga qo‘yishda asqotadi: ular bilan hattoki eng murakkab vaziyat ham sizni bezovta qilmaydi.
Salon ichidagi xavfsizlikni esa L.E.M.O.N innovatsion platformasi ta’minlab beradi. Bu texnologiya tufayli avtomobil kuzovi ham yengil, ham chidamli qilib ishlangan. Bundan tashqari avtomobil ichida 7 ta xavfsizlik yostiqchalari joylangan: oldinda va yonlarda, butun salon atrofida hamda rul ostida — haydovchi oyoqlarini himoya qilish uchun.
Qulay va texnologik salon
Haval Dargo ichi ham haydovchiga, ham yo‘lovchilarga qulay — yozda ayrim o‘rindiqlar ventilyatsiya qilinadi, katta, panorama oynasini ochib sayohat qilish mumkin, tabiiy charmdan qilingan, sozlanadigan o‘rindiqlar esa hatto juda uzoq masofalarni ham bemalol bosib o‘tish imkonini beradi.
Qishda avtomobil qulayligini yo‘qotmaydi — rul va o‘rindiqlar isitiladi, mashinada adaptiv iqlim nazorati ishlab turadi, avtomobil old oynasi ham elektron moslamalar yordamida isitiladi.
Haval Dargo qulayliklari kichik detallarda ham ko‘rinadi. Masalan, salonning ichida hajmsiz ichimlik ushlagichi bor: u tasma yordamida qilingani tufayli, siz ham kichik stakanlarni, ham uzoq yo‘lda kerak bo‘ladigan katta shishalarni ham muammosiz saqlashingiz mumkin.
Salonda gadjetlarni quvvatlash ham juda qulay. Haydovchining yonida simsiz quvvatlash paneli joylashgan. Unga hatto katta smartfonlar ham bemalol sig‘adi, maxsus tuzilishi esa harakat davomida smartfon tushib ketmasligini nazorati qiladi. Har bir o‘rindiqlar qatorini oldida esa USB portlar joylangan.
Salonda musiqa tinglash ham muammo emas: avtomobilda 10 ta dinamik bo‘lib, ular har qanday ovoz chastotasini ta’minlab berib, haydovchini har tarafdan tovush bilan quchib oladi.
Avtomobil haydovchi paneli o‘zida ham qulaylik ham texnologiyalarni mujassamlashtiradi — haydovchi oldida 3 xil displey o‘rnatilgan, asosiysi 12,3 dyuym hajmiga ega bo‘lib, unga ham iOS, ham Android tizimidagi smartfonlarni bemalol ulab, kerakli funksiyalardan foydalanish mumkin: masalan xaritalar, GPS, musiqa eshitish yoki xabarlar yuborish.
Rul orqasida esa ikkinchi displey joylashgan, uning hajmi 10,25 dyuym bo‘lib, bu ekranda haydovchiga kerakli ma’lumotlar ko‘rsatiladi: tezlik, motor holati, yoqilg‘i miqdori va avtomobilning umumiy bosib o‘tgan masofasi.
Bunga qo‘shimcha sifatida proyeksion displey ham bor — u ma’lumotlarni avtomobil old oynasida ko‘rsatib turadi va haydovchini yo‘ldan chalg‘itmaydi.
Yo‘ldagi imkoniyatlar
Yangi, 192 ot kuchiga ega 2,0 litrlik turbo motor Haval Dargo avtomobilini 100 km/soat tezligigacha 9 soniyada yetkaza oladi.
Shu bilan birga, mashinada birdaniga 8 ta haydash rejimi bor: “eko”, “sport”, “standart”, “qor”, “balchiq”, “qum”, “o‘t/graviy”, “o‘nqir-cho‘nqirlar” — Haval Dargo bilan siz yo‘llarni emas, rejimlarni tanlaysiz xolos.
Ushbu avtomobil haqiqiy yo‘llarda nimaga qodir ekanligi haqida mashhur avtobloger S’hoynakning Qopqog‘i videosida bilib olishingiz mumkin.
Narxi qancha?
Hozirda Haval Dargo krossoverini Sharq Motors salonlarida 454 mln so‘mdan xarid qilish mumkin. Bunda siz 4 xil kuzov rangini, va 3 xil salon uslubini tanlab olishingiz mumkin.
Sharq Motors’da Haval’ning boshqa modellari ham mavjud — masalan, uchinchi avloddagi Haval H6 krossoveri.
Avtosalon manzili:
Toshkent shahri, Mirzo Ulug‘bek tumani, Avayxon ko‘chasi 98-A;
Telefon: +998 78-113-00-12;
Telegram’da onlayn-konsultatsiya:
Reklama huquqi asosida.
Izoh (0)