Қулай ва технологик салон, тўлиқ узатма ва брутал ташқи кўриниш — буларнинг барчаси янги Haval Dargo’да мужассам. Sharq Motors бу автомобилнинг универсаллиги ва унинг долзарб нархи ҳақида сўзлаб беради.
Haval Dargo кроссовери — бу қўпол йўлтанламас ва қулай шаҳар кроссоверини бирлаштириш уриниши: бир томондан автомобиль жуда жиддий кўриниб, Mercedes Benz Geländewagen ва Land Rover Defender моделларини эслатиб туради, бошқа томондан — машинанинг ичи бизнес-класс автомобилларига ўхшайди: панорамали том, ўриндиқлар вентиляцияси, табиий чарм, икки мавсумли иқлим назорати ва замонавий мултимедия тизими.
Буларнинг барчаси кўплаб технологик мосламалар билан бойитилган.
Хавфсизлик
Haval Dargo рулида аварияга учраш ростан ҳам осон эмас — автомобиль атрофидаги датчиклар ва камералар ҳар доим эҳтимолий тўқнашув ҳақида огоҳлантиришга тайёр, улар ҳайдовчи назоратидан ташқаридаги ҳудудларни ҳам кузатиб туради ва пиёдаларни пайқайди.
Автомобилнинг адаптив круиз-назорати бор, у машинани керакли йўлакда автоматик ушлаб туради ва бошқа машиналар билан керакли масофани назорат қилади.
Haval Dargo’да тормоз тизими ҳам бор — бу дегани, агар олдингизда тўсатдан пиёда ёки бошқа машина чиқиб қолса, Haval Dargo ўзи автоматик тўхтаб олади.
Катта йўлдаги бир қатордан бошқа қаторга ўтиш ҳам жуда хавфсиз, чунки автомобиль датчиклари ҳайдовчининг кўзи тушмайдиган ҳудудларни ҳам назорат қилади. Олдиндаги камералар эса йўл белгиларини таниб олиб, уларни ҳайдовчи олдидаги мониторга чиқариб беради.
Бу камералар ва датчиклар тўплами айниқса машинани тўхташ жойига қўйишда асқотади: улар билан ҳаттоки энг мураккаб вазият ҳам сизни безовта қилмайди.
Салон ичидаги хавфсизликни эса L.E.M.O.N инновацион платформаси таъминлаб беради. Бу технология туфайли автомобиль кузови ҳам енгил, ҳам чидамли қилиб ишланган. Бундан ташқари автомобиль ичида 7 та хавфсизлик ёстиқчалари жойланган: олдинда ва ёнларда, бутун салон атрофида ҳамда рул остида — ҳайдовчи оёқларини ҳимоя қилиш учун.
Қулай ва технологик салон
Haval Dargo ичи ҳам ҳайдовчига, ҳам йўловчиларга қулай — ёзда айрим ўриндиқлар вентиляция қилинади, катта, панорама ойнасини очиб саёҳат қилиш мумкин, табиий чармдан қилинган, созланадиган ўриндиқлар эса ҳатто жуда узоқ масофаларни ҳам бемалол босиб ўтиш имконини беради.
Қишда автомобиль қулайлигини йўқотмайди — рул ва ўриндиқлар иситилади, машинада адаптив иқлим назорати ишлаб туради, автомобиль олд ойнаси ҳам электрон мосламалар ёрдамида иситилади.
Haval Dargo қулайликлари кичик деталларда ҳам кўринади. Масалан, салоннинг ичида ҳажмсиз ичимлик ушлагичи бор: у тасма ёрдамида қилингани туфайли, сиз ҳам кичик стаканларни, ҳам узоқ йўлда керак бўладиган катта шишаларни ҳам муаммосиз сақлашингиз мумкин.
Салонда гаджетларни қувватлаш ҳам жуда қулай. Ҳайдовчининг ёнида симсиз қувватлаш панели жойлашган. Унга ҳатто катта смартфонлар ҳам бемалол сиғади, махсус тузилиши эса ҳаракат давомида смартфон тушиб кетмаслигини назорати қилади. Ҳар бир ўриндиқлар қаторини олдида эса USB портлар жойланган.
Салонда мусиқа тинглаш ҳам муаммо эмас: автомобилда 10 та динамик бўлиб, улар ҳар қандай овоз частотасини таъминлаб бериб, ҳайдовчини ҳар тарафдан товуш билан қучиб олади.
Автомобиль ҳайдовчи панели ўзида ҳам қулайлик ҳам технологияларни мужассамлаштиради — ҳайдовчи олдида 3 хил дисплей ўрнатилган, асосийси 12,3 дюйм ҳажмига эга бўлиб, унга ҳам iOS, ҳам Android тизимидаги смартфонларни бемалол улаб, керакли функциялардан фойдаланиш мумкин: масалан хариталар, GPS, мусиқа эшитиш ёки хабарлар юбориш.
Рул орқасида эса иккинчи дисплей жойлашган, унинг ҳажми 10,25 дюйм бўлиб, бу экранда ҳайдовчига керакли маълумотлар кўрсатилади: тезлик, мотор ҳолати, ёқилғи миқдори ва автомобилнинг умумий босиб ўтган масофаси.
Бунга қўшимча сифатида проекцион дисплей ҳам бор — у маълумотларни автомобиль олд ойнасида кўрсатиб туради ва ҳайдовчини йўлдан чалғитмайди.
Йўлдаги имкониятлар
Янги, 192 от кучига эга 2,0 литрлик турбо мотор Haval Dargo автомобилини 100 км/соат тезлигигача 9 сонияда етказа олади.
Шу билан бирга, машинада бирданига 8 та ҳайдаш режими бор: «эко», «спорт», «стандарт», «қор», «балчиқ», «қум», «ўт/гравий», «ўнқир-чўнқирлар» — Haval Dargo билан сиз йўлларни эмас, режимларни танлайсиз холос.
Ушбу автомобиль ҳақиқий йўлларда нимага қодир эканлиги ҳақида машҳур автоблогер Схойнакнинг Қопқоғи видеосида билиб олишингиз мумкин.
Нархи қанча?
Ҳозирда Haval Dargo кроссоверини Sharq Motors салонларида 454 млн сўмдан харид қилиш мумкин. Бунда сиз 4 хил кузов рангини, ва 3 хил салон услубини танлаб олишингиз мумкин.
Sharq Motors’да Haval’нинг бошқа моделлари ҳам мавжуд — масалан, учинчи авлоддаги Haval H6 кроссовери.
Автосалон манзили:
Тошкент шаҳри, Мирзо Улуғбек тумани, Авайхон кўчаси 98-А;
Телефон: +998 78-113-00-12;
Telegram’да онлайн-консультация:
Реклама ҳуқуқи асосида.
Изоҳ (0)