Qozog‘istonda asosiy stavka 16 foizga oshirildi
Qozog‘iston Milliy bankining Pul-kredit siyosati qo‘mitasi asosiy stavkani 1 foizga ko‘tarib, yillik 16 foizga oshirishga qaror qildi. Bu haqda “Kazinform” xabar bermoqda.
Endidan boshlab mamlakatda likvidlikni ta’minlash bo‘yicha doimiy kirish operatsiyalari uchun stavka 17 foizni, likvidlikni olish bo‘yicha doimiy kirish operatsiyalari uchun esa 15 foizni tashkil etadi.
Qozog‘istonda 2022-yil sentabr oyida yillik inflyatsiya prognoz traektoriyasidan sezilarli darajada chetga chiqib, 17,7 foizni tashkil etdi.
Bazaviy stavkaning oshishi ta’siri 1-2 yillik kechikish bilan namoyon bo‘lib, xo‘jalik yurituvchi subyektlarning jamg‘arma faolligini qo‘llab-quvvatlab, ichki valyuta bozorida muvozanatni saqlashga yordam beradi.
O‘zbekistonda asosiy stavka 15 foizni tashkil qiladi. Ertaga, 27-oktabr kuni Markaziy bank tomonidan asosiy stavkani o‘zgartirish masalasi ko‘rib chiqiladi.
