InfinBANK ATB chakana biznes departamenti direktori Inomjon Usmonov bankning mobil ilovasida mavjud masofaviy identifikatsiya funksiyasi haqida gapirib berdi.
Ish bilan band bo‘lgan odamlar uchun bankka borish oson emas. Boshliqdan javob so‘rashga to‘g‘ri kelishi yetmaganidek, moliyaviy muassasaga borib kelishga qancha vaqt ketishini aniq bilish ham qiyin. Yo‘ldagi tirbandliklar, operatorga navbatda turish – bularning barchasi bir soatdan ko‘proq vaqt olishi va anchagina noqulayliklar keltirib chiqarishi mumkin.
Banklar bunday noqulayliklarni juda yaxshi bilishadi va o‘z mijozlariga qulaylik yaratish, shuningdek, raqamli xizmatlarning zamonaviy dunyosida to‘laqonli raqobatbardosh faoliyat olib borish uchun masofaviy tartibda taqdim etiladigan xizmatlarini faol joriy etishmoqda. Ulardan biri – jismoniy shaxslarni masofadan identifikatsiya qilish. O‘zbekistonda banklar undan foydalanishni boshlaganiga ko‘p vaqt bo‘lgani yo‘q, InfinBANK uni birinchi bo‘lib qo‘llaganlar qatoridadir. Bu haqda InfinBANK chakana biznes departamenti direktori Inomjon Usmonov ma’lum qildi.
Jismoniy shaxslarni masofaviy identifikatsiya qilish – bu bankning mobil ilovasida biometrik shaxsiy ma’lumotlardan foydalangan holda shaxsini tasdiqlash, moliyaviy xizmatlardan masofadan turib foydalanish imkonini beruvchi mexanizm, shu tufayli identifikatsiyani ba’zan o‘ziga xos elektron moliyaviy “pasport” deb ham atashadi.
InfinBANK’ning masofaviy identifikatsiya funksiyasi nima uchun kerak? Birinchidan, u harakat erkinligini beradi. Bu sizga mamlakatning eng chekka hududlarida ham ish stolidan yoki hatto divandan turmasdan ham ushbu bankning asosiy bank xizmatlaridan foydalanish imkonini beradi. Siz shunchaki ilovani yuklab olishingiz va unda pasportingiz yoki ID-kartangiz bilan ro‘yxatdan o‘tishingiz kerak.
Ikkinchi afzal tomoni esa 9:00—18:00 standart ish jadvaliga bog‘liq bo‘lib qolmaslik imkoniyatidir. InfinBANK mobil ilovasida masofaviy identifikatsiyadan foydalanib ro‘yxatdan o‘tgan shaxs avtomatik ravishda bank mijoziga aylanadi va omonatlarni ochish va boshqarish, tovarlar va xizmatlar uchun to‘lovlarni to‘lash va buning uchun keshbek olish, hamda eng muhimi bularning barchasini o‘ziga qulay bo‘lgan istalgan vaqtda, hatto kechasi ham amalga oshirish imkoniyatiga ega bo‘ladi! Shuningdek unda, kunning istalgan vaqtida kredit yoki har qanday debet karta uchun ariza berish va istalgan bankning UzCARD kartalariga pul o‘tkazishda atigi 0,25 foiz komissiya olinishi hisobiga pullarni yaxshigina tejab qolish mumkin. InfinBANK’ning Humo kartalari va Visa kartalari o‘rtasida pul o‘tkazish esa eng katta foydalardan biridir: buning uchun bank hech qanday komissiya olmaydi. Agar sizga jismoniy shaxslar VISA kartasi kerak bo‘lmasa, siz har doim ilovada virtual kartaga buyurtma berishingiz va undan onlayn xaridlar uchun foydalanishingiz mumkin — InfinBANK kartasi to‘lovlarni komissiyasiz amalga oshirish imkonini beradi.
Hamma ham, ayniqsa, keksa avlod vakillari o‘z pasport ma’lumotlarini mobil ilovaga ishonib topshirishni xohlashmaydi va avvalgidek bankka borishni afzal ko‘rishadi. Ma’lumotlar firibgarlar qo‘liga tushishi mumkinligidan xavotirlanishga o‘rin yo‘q – ushbu ma’lumotlarga uchinchi shaxslarning kirishi mutlaqo taqiqlangan, foydalanuvchi ma’lumotlarining o‘zi esa maxsus ma’lumotlar bazasida ishonchli saqlanadi.
InfinBANK ilovasida masofaviy identifikatsiyadan o‘tishingiz mumkin. Buning uchun ushbu havoladan foydalaning
Reklama huquqi asosida.
Izoh (0)