Namanganda firibgarlik bilan 15 ming dollar olgan fermer xo‘jaligi rahbari ushlandi

Namanganning Mingbuloq tumanida yer maydoni savdosi bilan bog‘liq firibgarlik holati fosh etildi, deb xabar bermoqda Bosh prokuratura huzuridagi departament.

Ma’lum qilinishicha, departamentning Mingbuloq tuman bo‘limi tomonidan DXX bilan hamkorlikda o‘tkazilgan tezkor tadbirda, “R.K.” fermer xo‘jaligi rahbari D.E. fuqaro D.ga ushbu fermer xo‘jaligiga o‘rmonchilik tashkil etish maqsadida ijaraga berilgan 2 gektar yer maydonini o‘ziniki ekanligini aytib, evaziga 15 ming dollarni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir:

• Buxoroda ikki shaxs yerni noqonuniy sotayotganida qo‘lga tushdi
• Toshkent viloyatida 1,4 mln dollarga 16 gektar yer olib bermoqchi bo‘lgan uch kishi qo‘lga tushdi (video)