Ijtimoiy tarmoqlarda Samarqand viloyatining Pastdarg‘om tumani hududidan o‘tuvchi kanalda yosh qizning jasadi topilgani haqida xabarlar e’lon qilindi. Bosh prokuratura holat yuzasidan munosabat bildirdi.
Aniqlanishicha, 2022-yil 1-oktabr kuni Pastdarg‘om tumani “Kamolot” mahallasi hududida joylashgan yerteshar suv taqsimlash kanalida Samarqand shahrida yashagan 18 yoshli Yu.M. (ayol)ning murdasi topilgan. Mazkur o‘lim sababini va boshqa holatlarni aniqlash maqsadida sud-tibbiyot ekspertizasi hamda tegishli xizmat tekshiruvlari tayinlangan.
Hozirda ushbu holat yuzasidan tuman prokuraturasi tomonidan tergovga qadar tekshiruv harakatlari olib borilmoqda. Tekshirish mobaynida videoxabarda ko‘rsatilgan boshqa holatlarga ham o‘rganilib, huquqiy baho berilishi ta’minlanadi.
Ma’lumot uchun, tarqalgan videoxabarlarda qiz bir oy oldin zo‘rlab ketilgani haqida ariza bergani aytilgan.
Izoh (0)