Oliy ta’lim vazirligi imkoniyati cheklangan talabalar uchun tanlov e’lon qildi

Oliy va o‘rta maxsus ta’lim vazirligi tashabbusi bilan iqtidorli talaba-yoshlarni aniqlash va ularni munosib rag‘batlantirish maqsadida Talaba va o‘quvchilarning ma’naviy yuksalishiga ko‘maklashish markazi imkoniyati cheklangan talabalar o‘rtasida “Eng yaxshi talaba” tanlovini e’lon qildi.

Tanlov ikki bosqichda tashkil etiladi:

• birinchi oliy ta’lim muassasasi bosqichi;
• respublika final bosqichi.

Respublika bosqichining 1-o‘rin sohibi esa Oliy va o‘rta maxsus ta’lim vazirligining maxsus diplomi hamda bazaviy hisoblash miqdorining 100 barobari miqdorida bir martalik pul mukofoti bilan taqdirlanadi.

Hujjatlar 2022-yil 25-oktabrga qadar qabul qilinadi. Tanlovda ishtirok etish istagida bo‘lgan yoshlar o‘zi ta’lim olayotgan fakultet rahbariyatiga murojaat etishlari mumkin.

Tanlov nizomi bilan ushbu havola orqali batafsil tanishish mumkin.