Qat-qat xamirdan mazali kruassan tayyorlaymiz

Ushbu mazali kruassanni ertalabgi nonushta uchun tayyorlash mumkin. Buning uchun faqat uchta mahsulot kerak bo‘ladi. Shirinlikka quyultirilgan sutning o‘rniga o‘zingizga yoqqan murabbolarni ham qo‘shishingiz mumkin.

Kerakli masalliqlar:

• xamirturushli qat-qat xamir — 500 g
• quyultirilgan sut — 180 g
• tuxum — 1 dona
• yong‘oq — ta’bga ko‘ra

1. Xamirni 3-4 mm qalinlikdagi to‘rtburchak shaklida yoying. Uni o‘tkir pichoq bilan 4-8 ta teng to‘rtburchaklarga bo‘lib oling, so‘ngra har bir qismni diagonal ravishda yarmiga bo‘ling.
2. Listga pergament qog‘ozi soling. Uchburchaklarning keng qismiga 1-2 choy qoshiq quyultirilgan sut soling.
3. Quyultirilgan sutni yon tomonidan surtib, uchburchaklarni o‘ramalarga aylantiring. Listga bo‘laklarning pastki tomonini qo‘ying. Ularni sochiq bilan yoping va iliq joyda 15-20 daqiqaga qoldiring.
4. Pechni 190 daraja haroratda qizdiring. Tuxumni vilka bilan aralashtiring va xamirga surting. Uning ustiga yong‘oq sepishingiz ham mumkin. Kruassanlarni qizargunga qadar 15-20 daqiqa davomida pishiring.

Mavzuga doir:

• Kartoshka va tovuq qiymasidan mazali yegulik tayyorlaymiz.
• Sutli krem qo‘shilgan mazali ponchiklar tayyorlaymiz.
• Qiyma va karamdan mazali pirog tayyorlaymiz.
• Tovuq go‘shti, yashil no‘xat va qaymoqli sousdan makaronli taom tayyorlaymiz.