Credit Suisse banki alohida kompaniyaga aylanish uchun investorlarni qidirmoqda

Credit Suisse konsalting va investitsiya banki biznesining alohida kompaniyaga aylanishini moliyalashtirish uchun bo‘lajak qayta qurish rejasining bir qismi sifatida tashqi investorni qidirmoqda. Bu haqda Shveysariya bankidagi o‘z manbalariga tayanib, Bloomberg xabar bermoqda.

1-avgust kuni o‘z lavozimiga kirishgan Credit Suisse bosh direktori Ulrix Koyerner, birinchi navbatda, so‘nggi yillarda qator janjallarga sabab bo‘lgan va katta yo‘qotishlarga uchragan sarmoyaviy bank bo‘limini izolyatsiya qilishga intilmoqda.

Manbalarga ko‘ra, Credit Suisse rahbariyati o‘zini alohida tuzilmaga ajratilgan biznesdan ajratib qo‘ymoqchi. 

Buning uchun kompaniya 1990-yilda Credit Suisse tomonidan sotib olinmaguncha deyarli 60 yil davomida mavjud bo'lgan Nyu-Yorkdagi First Boston investitsiya bankini qayta tiklamoqchi. 

Credit Suisse ikkinchi chorakni 1,6 milliard frank (1,7 milliard dollar) zarar bilan yakunladi. Tahlilchilar bank atigi 206 million frank yo‘qotishini kutishgan edi. 

Bundan tashqari, bosh direktor Tomas Gottshteynning ketishi e’lon qilindi, uning davrida bank bir qator janjallarning markazida bo‘lgan va uning aksiyalari narxi 40 foizga tushib ketgan.

Avvalroq Credit Suisse investitsion banki tarixdagi eng og‘ir davrni boshdan kechirayotgani haqida xabar berilgan edi.