Buyuk Britaniyada uylarning o‘rtacha ikki yillik qat’iy foizli ipotekasi 6,07 foizgacha ko‘tarildi. Bu 2008-yil noyabridan beri eng yuqori ko‘rsatkichdir, deya xabar bermoqda Bloomberg.
O‘rtacha besh yillik belgilangan stavka bo‘yicha bitim ham 6 foizni tashkil etdi. Bu 2010-yil fevralidan beri kuzatilmagan darajadir.
Buyuk Britaniya kansleri Kvasi Kvarteng 23-sentabr kuni moliyalashtirilmagan soliqlarni kamaytirishni o‘z ichiga olgan mini-byudjetni taqdim qildi va bu bozorlarni larzaga keltirdi.
Mini-budjet kreditorlar ipoteka mahsulotlarini narxlash uchun foydalanadigan foiz stavkalarini almashtirish bo‘yicha daromadlarni oshirdi.
Sky News ma’lumotlariga ko‘ra, kreditorlar rahbarlari, shu jumladan Barclays va Natwest Group payshanba kuni Kvarteng bilan ipoteka bozoridagi so‘nggi notinchlikni muhokama qilish uchun uchrashmoqchi.
Ipoteka mahsulotlari bozordan chiqib ketganidan keyin kansler banklarni rejalari haqida so‘zlab berishi kutilmoqda.
O‘zbekistonda oxirgi ma’lumotlarga ko‘ra, ipoteka kreditlarining o‘rtacha foiz stavkasi yil boshidan beri 1,1 foizga yuqorilab, 23,5 foiz bo‘lib turibdi.
Izoh (0)