Bugun,

  • USD 11095.31
  • RUB 173.84
  • EUR 10772.44

Credit Suisse Group investitsion bankining kredit tavakkalchilik ko‘rsatkichi rekord darajaga ko‘tarildi. Bu haqda Bloomberg xabar bermoqda

Foto: Bloomberg

Foto: Bloomberg

Bank aksiyalari yil boshidan beri 60 foizga yaqin o‘z qiymatini yo‘qotdi. Bu Credit Suisse tarixidagi eng katta yillik pasayish.

Aksiyalar bankning bozorlarni moliyaviy barqarorligiga ishontirishga urinishlari teskari natija berganidan keyin keskin pasaya boshladi.

Bosh ijrochi direktor Ulrix Koyerner dam olish kunlarida xodimlarni va bozorlarni tinchlantirishga harakat qildi. Biroq uning eslatmasi teskari ta’sir ko‘rsatdi. 

U bank kapitali darajasi va likvidligi haqida gapirar ekan, kompaniya og‘ir davrni boshdan kechirayotganini tan oldi.

Bankning kreditga layoqatliligi haqidagi tasavvurlar yomonlasha boshlagan va 5 yil ichida o‘z obligatsiyalari bo‘yicha defolt qilish ehtimoli taxminan 23 foiz bo‘lib turibdi.

3-oktabr kuni Credit Suisse bankining bozor kapitallashuvi taxminan 9,5 milliard Shveysariya frankigacha tushib ketgan edi. Ayni paytda bu ko‘rsatkich 11,37 milliard frank bo‘lib turibdi. Bozor qiymati 2021-yilning mart oyida 30 milliard frankdan oshgan edi.

O‘tgan hafta Credit Suisse oktabr oyi oxirida e’lon qilinadigan strategik rejasining bir qismi sifatida mumkin bo‘lgan aktivlar va biznesni sotish ustida ishlayotganini ma’lum qildi. 

Bloomberg xabar berishicha, bank o‘zining qimmatli qog‘ozli mahsulotlar savdo bo‘linmasini sotish bo‘yicha kelishuvlarni o‘rganmoqda. 

Izoh
Asosiy yangiliklar
Mahalliy
Oʻzbekistonda yashil energetika davri boshlanganiga uch yil boʻldi. Nimalar oʻzgardi?
Mahalliy
Fotoreportaj: Prezident tashrifiga tayyorgarlik ko‘rayotgan Namangan
Sport
Lionel Messi Krishtianu Ronalduning rekordini yangiladi