Italiyaning dunyoga mashhur aktrisalaridan biri Monika Beluchchining muxlislari uning go‘zalligi haqida ko‘p gapirishadi. Hozirda 58 yoshda bo‘lgan aktrisa go‘zal bo‘lishi va uni saqlab qolishi uchun bir nechta ko‘rsatmalarga amal qiladi. “Lisa.ru” nashri Monika Beluchchining go‘zallik sirlari haqida ma’lumot berdi.
Basseyn tufayli chiroyli qomatga ega bo‘lish
Monika qiyin va mashaqqatli mashg‘ulotlarni yoqtirmaydi. U tabiatan dangasa ekanligini tan olgan, bundan tashqari, aktrisa tanasini robot kabi his qilishni istamaydi. Belluchchi bu haqda: “Men hech qachon oriq bo‘lolmayman. Ovqatlanishni yaxshi ko‘raman. Men haqiqatan ham insonman. Soxta bo‘lishni niyat qilmayman”, — deydi aktrisa.
Italiyalik yulduz yillar davomida qanday qilib chiroyli qomatini saqlab qola oldi? U faqat o‘ziga yoqqan narsani qiladi. Aktrisa basseynda suzishni yaxshi ko‘radi va haftasiga to‘rt marta u yerda taxminan 45 daqiqa vaqt o‘tkazadi. Monika yogani ham yaxshi ko‘radi.
“Men yoga bilan shug‘ullanishni yaxshi ko‘raman, biroq ko‘p sayohat qilaman, shuning uchun muntazam mashq qilish qiyin. Ilgari umuman yoga bilan shug‘ullanmasdim, hozir ham u bilan har kuni shug‘ullanayotganim yo‘q. Mening turmush tarzim tufayli bu shunchaki imkonsiz, — deydi aktrisa.
Parhezlarni yoqtirmaydigan aktrisa
Monika Beluchchi umuman parhez qilmaydi. Aktrisa mazali taomlarni iste’mol qilishni yaxshi ko‘radi. Biroq asosiy nyuans bor — u hech qachon ortiqcha ovqatlanmaydi, qismlarga bo‘lib ovqatlanadi.
Belluchchi makaron va pitssa, shuningdek, shokoladni juda yaxshi ko‘radi. U o‘zini sevimli ovqatidan cheklamaydi va agar vazn yo‘qotishi kerak bo‘lsa, o‘z parheziga ko‘proq sabzavot va mevalarni kiritadi. Yoki qora liboslarni kiyadi.
“Ertalab soat beshda turib, oltida mashg‘ulotda bo‘lish? Yo‘q. Sport zaliga borishning o‘rniga, men shunchaki qora kiyimlarni kiyaman: bu oson va qiziqarliroq, — deydi Monika. U, shuningdek, ayollarga o‘zlarini sevimli taomlari bilan xursand qilish va iste’mol qilingan ovqat uchun o‘zlarini koyimaslikni maslahat beradi.
Yuz terisi parvarishi
Aktrisa yuz terisiga alohida e’tibor beradi. Har kuni ertalab dush qabul qiladi, so‘ngra yuzini tonik, sivorotka (zardob) va namlantiruvchi krem bilan uqalaydi. Haftada bir necha marta terini skrab va o‘zi tayyorlagan bodom yog‘li niqob bilan tozalaydi.
“Men yuz terimga g‘amxo‘rlik qilaman, uning yaltirab turishi makiyajning chiroyli chiqishini ta’minlaydi. Tozalash va namlantirishga mas’uliyat bilan yondashaman. Lablarim katta bo‘lganligi sababli ular qurishga moyil, shuning uchun ularni namlantirishim kerak”, — deydi Belluchchi.
Sochni parvarish qilish
Italiyalik aktrisaning nafaqat yuzi va tanasi, balki sochlari ham ajoyib ko‘rinishga ega. U sochlarini haftasiga ikki martadan ko‘p yuvmasligini aytgan. Aktrisa shampunni mineral suv bilan suyultiradi, chunki u kosmetik mahsulotda juda ko‘p konsentratlar bor deb hisoblaydi.
Belluchchi sochiga zarar yetkazishdan qo‘rqib, deyarli sochlarini fen bilan quritmaydi. Aktrisaning jingalak sochlarining chiroyli ko‘rinishi va mayinligining siri — bu ularni oziqlantiradigan zaytun yog‘ining ta’siridir.
Makiyaj
Monika kundalik hayotida yuziga ko‘p kosmetika vositalarini ishlatishni yoqtirmaydi. Odatda aktrisa, ko‘zlarini bo‘yashi, kipriklariga tush surib lablarini bo‘yashi mumkin.
“Men tabiiy ko‘rinishni afzal deb bilaman. Menga terim nafas oladigan mahsulotlar yoqadi. Kundalik makiyaj uchun och kulrang yoki jigarrang, bir so‘z bilan aytganda, ko‘zimning rangiga mos tushadigan juda yengil tenlarni tanlayman. Men odatda qora tushdan foydalanaman. Bu obrazning yanada tugalroq qilishga yordam beradi”, — deydi Monika.
Aktrisa odatda yorqin qizil lab bo‘yog‘idan foydalanishni yaxshi ko‘radi, bu rang uning obraziga yanada ko‘rk bag‘ishlaydi.
Plastik operatsiyalarga qarshi
Monika Beluchchi plastik operatsiyalarga qarshi aktrisalardan biri. U to‘g‘ri parvarish yosh ko‘rinishni saqlab qolishga yordam berishiga ishonadi va plastik operatsiya individuallikdan mahrum qiladi.
“Men hayotimda hech qachon plastik jarrohlikdan foydalanmayman, hamma narsa o‘z yo‘lida ketishi kerak. Qirq yoshli ayolning yigirma yoshdek ko‘rinishga harakat qilishi bema’ni va kulgili”, — deydi Belluchchi.
Dam olish
Monika o‘z oilasi bilan vaqt o‘tkazishni, katta dasturxon atrofida yig‘ilishni, sevimli taomlarini yeyishni yaxshi ko‘radi. Shuningdek u inson o‘zi bilan yolg‘iz qolishi kerak deb hisoblaydi.
“Bo‘sh vaqtimda cho‘milishni yaxshi ko‘raman. Ushbu 45 daqiqa yoki bir soat ichida faqat o‘zingizga mehr berish juda muhim”, — deydi Gollivud yulduzi.
Yoshni qabul qilish
Monikaning 58 yoshda ekanligiga ishonish qiyin, ammo bu fakt. Aktrisaning o‘zi bu raqamlar haqida qayg‘urmaydi — aksincha, u o‘z yoshini qabul qiladi va hozir 20 yoshdan ko‘ra baxtliroq ekanligiga ishontiradi.
“Ko‘plab insonlar yoshi o‘tishi bilan go‘zalligini yo‘qotishdan qo‘rqadi, biroq men bu narsalar haqida qayg‘urmaslikka harakat qilaman. Men o‘limdan ko‘proq qo‘rqaman, chunki ikki nafar farzandim bor va ularning ulg‘ayishini ko‘rmoqchiman. Bari bir qariganda hech narsa qila olmaysiz, shuning uchun uni qabul qilgan ma’qul. Farzandli bo‘lmaganimda o‘lim haqida o‘ylamasdim, qariyotganimni ham sezmasdim. 45 yoshimda esa ikkinchi farzandimni dunyoga keltirdim va yoshligimda jismonan ancha kuchli ekanligimni angladim. Biroq, hozir o‘zimni 20 yoshimdagidan ancha yaxshi his qilyapman. Men o‘zimga ishonaman va muammolarni oson hal qilaman. O‘zimni borimcha qabul qilaman”, — deydi Belluchchi.
Barcha ayollarga maslahat
Monika ayol kishi o‘ziga ishongan hamda hech kimga o‘xshashga harakat qilmagan taqdirda go‘zal bo‘lishini aytadi. Aktrisaning so‘zlariga ko‘ra, go‘zallik tashqi ko‘rinish bilan bog‘liq emas, u ayolning hayotiy tajribalarini aks ettiruvchi nafislikdir.
“Men har doim yosh qizlarga o‘zini yaxshi ko‘rishi haqida aytaman. Axir, go‘zallik ideali mavjud emas, to‘ladan kelgan ayollar go‘zallikda ozg‘in qizlardan qolishmaydi. Siz o‘zingizning kimligingizni qabul qilishni o‘rganishingiz kerak. Men o‘zimni borimcha qabul qilaman, shuningdek, ideallik mavjud emas va shuning uchun men bunga intilmayman”, — deydi aktrisa.
Asosiy go‘zallik siri
“Insonlar meni go‘zal deganlari uchun emas, balki o‘zim tanlagan hayotda yashayotganim uchun o‘zimni juda qulaylikni his etaman. Men hayotni sevaman. Bu mening go‘zalligimning eng asosiy siri”, — deya xulosa qiladi Monika Belluchchi.
Mavzuga doir:
- Monika Belluchchi, Salma Xayek va hech qachon plastik operatsiyaga murojaat qilmagan mashhurlar (foto).
- “Birovga buyum singari egalik qilishni istash — bema’nilik”. 57 yoshni qarshilagan Monika Beluchchi haqiqatlari.
- Stiv Jobs, Monika Belluchchi va boshqa mashhurlarning model sifatida karyera boshlagan farzandlari (foto).
- Go‘zallik ma’budasi: Monika Belluchchining tarixga kirgan 15 ta eng yorqin obrazi (foto).
Izoh (0)