Kredit olishda qanday mijozlardan garov yoki kafillik talab etilmaydi?
Markaziy bankning FinLit loyihasi kredit olishda qanday mijozlardan kafillik talab etilmasligi, ushbu kredit qachon va qanday qaytarilishi haqida ma’lumot berdi.
Agar talaba “Ijtimoiy himoya yagona reyestri”ga kirgan oilaning farzandi bo‘lsa, ta’lim krediti bo‘yicha garov va kafillik talab etilmaydi — reyestrga kiritilganini tasdiqlovchi ma’lumotnoma berilishi kifoya.
Bank taqdim etilgan hujjatlarni 5 ish kuni ichida ko‘rib chiqadi va ushbu talabaga ta’lim krediti ajratish yoki ajratmaslik bo‘yicha qaror qabul qiladi.
Ta’lim krediti mablag‘lari bank tomonidan taqdim etilgan shartnoma yoki hisob varaqasida ko‘rsatilgan hisob varag‘iga mablag‘ ko‘chirish yo‘li bilan o‘tkazib beriladi.
Kredit to‘lovi qachon va qanday qaytariladi?
Ta’lim kreditining asosiy qarzi talabaning rasmiy o‘qish muddati tugagandan so‘ng yettinchi oydan boshlab 7 yil davomida qaytariladi. Ushbu vaqtga qadar ta’lim krediti bo‘yicha faqat foiz to‘lovlari to‘lab boriladi.
Lekin ushbu ma’lumotlar bank turiga qarab farq qilishi mumkin.
