Bugun,

  • USD 11095.31
  • RUB 173.84
  • EUR 10772.44

Nikaragua Tashqi ishlar vazirligi Niderlandiya bilan diplomatik munosabatlarni uzganini e’lon qildi. Shu hafta boshida Nikaragua hukumati Yevropa Ittifoqi elchisini persona non grata deb e’lon qilgan, shuningdek, AQSHning yangi elchisini qabul qilishdan bosh tortgan edi.

Foto: Reuters

Foto: Reuters

Niderlandiya bilan munosabatlarning uzilishiga ularning Nikaraguada shifoxona qurilishini moliyalashtirishdan bosh tortishi sabab bo‘ldi. Loyiha bir necha yil oldin tasdiqlangan edi. Niderlandiyaning qarorini mamlakat elchisi Kristin Pirenn Managuaga tashrifi chog‘ida ma’lum qilgan. Nikaragua prezidenti Daniel Orteganing aytishicha, “elchi nikaragualiklar bilan suhbatlashishga kelganda go‘yoki Nikaraguaga golland mustamlakasidek qaragan”.

Bundan tashqari Nikaragua Tashqi ishlar vazirligi Niderlandiya davlat ishlariga aralashganini da’vo qilmoqda.

Mart oyida Nikaragua Vatikan elchisini chiqarib yuborgan edi. Sentabr oyida Ortega Rim-katolik cherkovini nodemokratlikda, diktatura va zulmga sodiqlikda, shuningdek, 2018-yilda Nikaraguada qonuniy hukumatni ag‘darishga urinishda ayblab, uni qattiq tanqid qildi.

Izoh
Asosiy yangiliklar
Mahalliy
“Elektr ta’minotidagi uzilishlarga ko‘p duch keldim” — O‘zbekistonga ko‘chib o‘tgan IT-mutaxassis taassurotlari
Dunyo
“Sirli odam” — Murali Lal Jalanning Minerva City bo‘yicha intervyusi bahslarga sabab bo‘lmoqda. Lal Jalan aslida kim?
Sport
Bobur Abduxoliqov Belarusda mavsumning eng yaxshi to‘purari va eng yaxshi futbolchisi sovriniga ega chiqdi