Bugun,

  • USD 11095.31
  • RUB 173.84
  • EUR 10772.44

27-sentabr kuni Donbass respublikalari va Ukrainaning bosib olingan hududlarida “referendum” natijalari ma’lum qilindi. Tashkilotchilarning ma’lum qilishicha, ushbu hududlar aholisining go‘yoki 87—99 foizi “Rossiyaga qo‘shilish”ni qo‘llab-quvvatlamoqda. Rossiyaning Gruziya bilan chegarasidagi “Verxniy Lars” nazorat-o‘tkazish punktida harbiy komissariatning safarbarlik punkti ochildi — u yerda 21-sentabrdan beri minglab rossiyaliklar mamlakatdan chiqib ketishga urinmoqda.

Shimoliy Osetiya hukumati Rossiyaning boshqa mintaqalari aholisi uchun respublikaga kirishni chekladi. Rossiya Mudofaa vazirligi safarbarlikdan bo‘yin tovlagan rossiyaliklarni ekstraditsiya qilish so‘rovi bilan qo‘shni davlatlar rasmiylariga murojaat qilish rejalashtirilmayotganini ma’lum qildi. Ukraina Qurolli Kuchlari Oskol daryosining chap qirg‘og‘ida joylashgan shahar tipidagi Kupyansk-Uzlovoy posyolkasini ozod qildi. Bu Xarkov viloyatidagi eng yirik temir yo‘l kesishmalaridan biri. Meduza urushning 216-kunida olingan eng asosiy suratlar bilan bo‘lishdi.

Xarkov viloyatidagi hayot

Xarkovdan 45 kilometr sharqda joylashgan Stariy Saltov posyolkasida odamlar Severskiy Donets daryosi bo‘ylab qayiqda yonilg‘i tashimoqda. Ukraina qurolli kuchlari Stariy Saltovni may oyi boshida ozod qilgan edi. Hozir mutaxassislar posyolkadan Xarkovga olib boruvchi yo‘lni jangovar harakatlar oqibatlaridan tozalashmoqda.

Xarkovdan 45 kilometr sharqda joylashgan Stariy Saltov posyolkasida odamlar Severskiy Donets daryosi bo‘ylab qayiqda yonilg‘i tashimoqda. Ukraina qurolli kuchlari Stariy Saltovni may oyi boshida ozod qilgan edi. Hozir mutaxassislar posyolkadan Xarkovga olib boruvchi yo‘lni jangovar harakatlar oqibatlaridan tozalashmoqda.
Foto: AP Photo

Izyumlik fuqaro janglardan keyin shahar ko‘chalarida qolib ketgan o‘q-dori qutilarini o‘tin qilish uchun olib ketmoqda. Izyum 10-sentabr kuni Ukraina qo‘shinlari tomonidan ozod qilingan, biroq shahar o‘ta og‘ir turmush sharoitini boshdan kechirmoqda.

Izyumlik fuqaro janglardan keyin shahar ko‘chalarida qolib ketgan o‘q-dori qutilarini o‘tin qilish uchun olib ketmoqda. Izyum 10-sentabr kuni Ukraina qo‘shinlari tomonidan ozod qilingan, biroq shahar o‘ta og‘ir turmush sharoitini boshdan kechirmoqda.
Foto: Anadolu

Xarkovliklar katoliklarning Caritas Internationalis xayriya tashkiloti vakillari tomonidan tarqatilayotgan taom uchun navbatga turibdi. 27-sentabrdan boshlab Xarkov aholisi davlatdan gumanitar yordam olishni to‘xtatdi, chunki rasmiylar uni deokkupatsiya qilingan hududlarga yuborishga qaror qildi. Endi Xarkov aholisiga xayriya tashkilotlari g‘amxo‘rlik qilmoqda.

Xarkovliklar katoliklarning Caritas Internationalis xayriya tashkiloti vakillari tomonidan tarqatilayotgan taom uchun navbatga turibdi. 27-sentabrdan boshlab Xarkov aholisi davlatdan gumanitar yordam olishni to‘xtatdi, chunki rasmiylar uni deokkupatsiya qilingan hududlarga yuborishga qaror qildi. Endi Xarkov aholisiga xayriya tashkilotlari g‘amxo‘rlik qilmoqda.
Foto: AFP

Xarkovlik keksa ayol gumanitar yordam doirasida olgan nonini o‘pmoqda.

Xarkovlik keksa ayol gumanitar yordam doirasida olgan nonini o‘pmoqda.
Foto: Reuters

Odessa viloyati ko‘ngillilari Ukraina armiyasi uchun mashina va pechkalar yasamoqda

Odessa viloyatidagi Belgorod—Dnestrovskiy shahrida ko‘ngillilar guruhi Ukraina armiyasi ehtiyojlari uchun harbiy va fuqarolik avtomashinalarini ta’mirlash bilan shug‘ullanmoqda, shuningdek, ularda qishda foydalanish uchun askarlarga temir pechkalar yasamoqda.

Foto: EPA

Foto: EPA

Foto: EPA

“Referendumlar”

Ukrainaning Rossiya qo‘shinlari tomonidan bosib olingan Xerson va Zaporojye viloyatlari hududlarida, shuningdek, o‘zini o‘zi respublika deb e’lon qilgan DXR va LXRda Rossiyaga qo‘shilish bo‘yicha “referendumlar” o‘tkazildi. Rossiyaning o‘zi nazorat qilayotgan ushbu hududlarda ovozlar 100 foiz sanab chiqilganidan keyin, “Rossiyaga qo‘shilish”ni go‘yoki Zaporojye viloyatida 93,11 foiz, Xersonda 87,05 foiz, DXRda 99,23 foiz, LXRda 98,42 foiz odam qo‘llab quvvatlagan.

Luganskdagi saylov uchastkasi.

Luganskdagi saylov uchastkasi.
Foto: AP Photo

Luganskda Rossiya bayrog‘i ostida turgan politsiyachi.

Luganskda Rossiya bayrog‘i ostida turgan politsiyachi.
Foto: AP Photo

Rossiya chegaralarida navbatlar

Safarbarlik e’lon qilingach, minglab rossiyaliklar zudlik bilan mamlakatni tark eta boshladi. Shu sababli, Rossiyaning qo‘shni davlatlar bilan chegaralarida ko‘p kilometrlik tirbandliklar paydo bo‘ldi. 100 mingga yaqin rossiyalik Qozog‘istonga borgan, ularga mahalliy aholi va ko‘ngillilar yordam bermoqda. 27-sentabr kuni Rossiya—Gruziya chegarasidagi “Verxniy Lars” nazorat-o‘tkazish punktida navbat 5,5 ming mashinadan oshib ketdi, tirbandlik uzunligi 20 kilometrdan 30 kilometrgacha yetdi. So‘nggi 24 soat ichida Rossiya va Gruziya chegarasini 10 ming kishi kesib o‘tgan.

Rossiya—Gruziya chegarasidagi tirbandlikning sun’iy yo‘ldoshdan olingan tasviri.

Rossiya—Gruziya chegarasidagi tirbandlikning sun’iy yo‘ldoshdan olingan tasviri.
Foto: Maxar Technologies

“Verxniy Lars” nazorat punktidagi rossiyaliklar.

“Verxniy Lars” nazorat punktidagi rossiyaliklar.
Foto: AP Photo

Rossiya va Gruziya chegarasidagi rossiyaliklar.

Rossiya va Gruziya chegarasidagi rossiyaliklar.
Foto: Anadolu

Qozog‘istondagi “Teploye” nazorat punktida piyodalarga berilgan navbat raqami.

Qozog‘istondagi “Teploye” nazorat punktida piyodalarga berilgan navbat raqami.
Foto: Telegram

Rossiya va Qozog‘iston chegarasidagi “Teploye” nazorat-o‘tkazish punktida navbat.

Rossiya va Qozog‘iston chegarasidagi “Teploye” nazorat-o‘tkazish punktida navbat.
Foto: Telegram

Safarbarlik

Rossiyada 21-sentabrda e’lon qilingan safarbarlik davom etmoqda. Ommaviy axborot vositalari va huquq himoyachilarining ko‘plab xabarlariga ko‘ra, harbiy xizmatga chaqiruv tartibsiz o‘tmoqda. Chaqiruv qog‘ozlarini hatto avval harbiy xizmat o‘tamagan va jangovar tajribaga ega bo‘lmaganlar ham olmoqda. Safarbar qilinganlar esa hech qanday tayyorgarliksiz jangga jo‘natilganini aytishmoqda.

Irkutskda safarbarlikka chaqirilganlar.

Irkutskda safarbarlikka chaqirilganlar.
Foto: “TASS”

Sevastopolda safarbar qilinganlar.

Sevastopolda safarbar qilinganlar.
Foto: Reuters

Sevastopolda safarbar qilinganlar va ularga omonlik tilayotgan ruhoniy.

Sevastopolda safarbar qilinganlar va ularga omonlik tilayotgan ruhoniy.
Foto: Reuters

Sevastopolda safarbar qilinganlar va ularni kuzatayotgan bolali ayollar.

Sevastopolda safarbar qilinganlar va ularni kuzatayotgan bolali ayollar.
Foto: AFP

Harbiy xizmatga chaqirilganlar Vladivostokdagi “Oslyabya” desant kemasi yonida.

Harbiy xizmatga chaqirilganlar Vladivostokdagi “Oslyabya” desant kemasi yonida.
Foto: “TASS”

 

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi