“Daryo” kundaligida 28-sentabrda sodir bo’lgan eng muhim voqealar
“Daryo” nashri 28-sentabrda O‘zbekiston va jahonda sodir bo‘lgan eng muhim voqealarni e’tiboringizga havola etadi.
Kanada bosh vaziri referendumlar tufayli Rossiyaga qarshi yangi sanksiyalar kiritilishini e’lon qildi
Kanada qisman tan olingan Donetsk va Lugansk xalq respublikalari, shuningdek, Ukrainaning Zaporojye va Xerson viloyatlaridagi referendumlar tufayli Rossiyaga qarshi yangi sanksiyalar kiritadi. Bu haqda mamlakat bosh vaziri Jastin Tryudo ma’lum qildi.
Siyosatchining qo‘shimcha qilishicha, Kanada va uning xalqaro sheriklari Ukrainani o‘z hududiy yaxlitligi va suvereniteti uchun kurashda bundan keyin ham qo‘llab-quvvatlashda davom etadi. “Ukrainaning hududi Ukraina ixtiyorida qoladi”, — deya xulosa qildi Tryudo.Ukraina hududlaridagi referendumlar yuzasidan xuddi shunday pozitsiyani Yevrokengash rahbari Sharl Mishel ham aytib o‘tgan edi. “Soxta referendum. Soxta natijalar. Biz unisiniyam, bunisiniyam tan olmaymiz”, — deb yozdi u Twitter’da.
Referendumlar
Rossiya tarkibiga kirish haqidagi referendumlarda ovoz berish 27-sentabr kuni yakunlandi. 28-sentabr kuni ertalab Donbass saylov komissiyalari ovozlarning 100 foizi ko‘rib chiqilganidan keyin referendumlar natijalarini e’lon qildi. Ularning aytishicha, LXR saylovchilarining 98,42 foizi, DXR elektoratining 99,23 foizi, Zaporojye va Xerson viloyatlari bosib olingan hududlari aholisining esa tegishli ravishda 93,1 foizi va 87,05 foizi Rossiya tarkibiga qo‘shilishni yoqlab ovoz bergan
So‘nggi ma’lumotlarga ko'ra LXR va Xerson viloyati rahbarlari Putinga murojaat qilib, Rossiya tarkibiga qabul qilishni so‘ragan
AQSH elchixonasi amerikaliklarni zudlik bilan Rossiyani tark etishga chaqirdi
AQSHning Moskvadagi elchixonasi Rossiyadagi vatandoshlariga murojaat qilib, zudlik bilan mamlakatni tark etishga chaqirdi, deb xabar bermoqda “Kommersant”.
Diplomatik vakolatxona ma’lum qilishicha, Rossiyada e’lon qilingan qisman safarbarlik tufayli, qo‘sh fuqarolikka ega odamlar armiyaga chaqirilishi mumkin. Hozircha tijorat safarlari uchun cheklangan imkoniyatlar mavjud bo‘lib turibdi”, — deyiladi elchixona xabarida.
Avvalroq Estoniya, Polsha va Bolgariya Tashqi ishlar vazirliklari o‘z fuqarolaridan Rossiya hududini tark etishni so‘rab bayonotlar tarqatgan edi.
Zelenskiy referendumlar tan olinsa, Putin bilan muzokaralar o‘tkazmasligini aytdi
Zelenskiy referendumlar tan olinsa, Putin bilan muzokaralar o‘tkazmasligini aytdi
Ukraina prezidenti Vladimir Zelenskiy, agar Rossiya DXR, LXR hamda Xerson va Zaporojye viloyatlarining o‘z nazorati ostidagi hududlarida o‘tkazilgan referendumlar natijalarini tan olsa, prezident Vladimir Putin bilan “gaplashadigan gapi bo‘lmasligi”ni ma’lum qildi. Bu haqda u BMT Xavfsizlik kengashi majlisida videoaloqa orqali so‘zlagan nutqida aytib o‘tdi.
Ayni vaziyatda Ukraina hukumati, harbiy holat tugagunga qadar Rossiyaga tovarlar eksportini butunlay taqiqladi.
“Xodimlarning harakatlarida jinoyat alomatlari yo‘q deb topilgan”. IIB xodimlarining zo‘ravonligiga izoh berildi
Farg‘ona viloyatida ikki nafar IIB xodimi fuqaroni avvaliga bo‘g‘ib, so‘ngra tepkilagani ko‘ringan video tarqalgandi. Ichki ishlar vazirligi axborot xizmati rahbari Shohrux G‘iyosovning ma’lumot berishicha, voqea yuzasidan sud qarori ham chiqqan.
mazkur jinoyat ishi 2022-yilning 23-avgust kuni Jinoyat ishlari bo‘yicha Farg‘ona viloyati sudida apellyatsiya tartibida ko‘rib chiqilib, xodimlarning harakatlarida jinoyat alomatlari yo‘q deb topilgan va oqlov hukmi chiqarilgan.
