Bugun,

  • USD 11095.31
  • RUB 173.84
  • EUR 10772.44

Qozog‘iston hukumati Rossiya fuqarolarining respublikaga ommaviy kelishi fonida Rossiya bilan muzokaralar olib boradi. Bu haqda Qozog‘iston prezidenti Qosim-Jo‘mart To‘qayev Turkiston viloyati jamoatchiligi bilan uchrashuvda aytib o‘tdi.

Foto: Qozog‘iston prezidenti matbuot xizmati

Foto: Qozog‘iston prezidenti matbuot xizmati
So‘nggi kunlarda bizga Rossiyadan ko‘plab odamlar kelayapti. Ularning aksariyati bugungi mushkul vaziyat tufayli uyidan ketishga majbur bo‘lmoqda. Biz ularga g‘amxo‘rlik qilishimiz va xavfsizligini ta’minlashimiz kerak. Bu siyosiy va gumanitar masala. Hukumatga zarur choralar ko‘rishni topshirdim, — deya prezidentning so‘zlaridan iqtibos keltirdi uning matbuot xizmati.
To‘qayevning so‘zlariga ko‘ra, hozirgi vaziyatda Qozog‘iston fuqarolari “insoniylik, sabr-toqat va tashkilotchilik ko‘rsatishga” majbur.
Bizda inqiroz yo‘q, vahima yo‘q. Chet eldan kelgan mehmonlarga yordam ko‘rsatiladi, ammo ularga hech qanday imtiyoz berilmaydi. Barcha ishlar qonun va majburiyatlarimizga muvofiq amalga oshirilishi kerak. Rossiya tomoni bilan muzokaralar olib boramiz va bu muammoni mamlakatimiz manfaatlaridan kelib chiqib hal qilamiz, — dedi u.
21-sentabr kuni Rossiyada “qisman safarbarlik” e’lon qilinganidan so‘ng, urushga borishni istamagan rossiyaliklarning aksariyat qismi Qozog‘istonga ommaviy kelishni boshladi. Qozog‘iston Ichki ishlar vazirligi ma’lumotlariga ko‘ra, 21-sentabrdan buyon respublikaga 98 mingga yaqin Rossiya fuqarosi kirib kelgan, shundan 64 ming nafari keyinchalik mamlakatni tark etgan.

Izoh
Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Mahalliy
Shavkat Mirziyoyev harbiy xizmatga navbatdagi chaqiruv bo‘yicha qarorni imzoladi