10 сентябрь куни Тошкент шаҳридаги Hyatt Regency меҳмонхонасида ISHONCH дўконлар тармоғининг ребрендинг тақдимоти бўлиб ўтди. ISHONCH дўконлар тармоғи янги ҳудудларга чиқиш билан биргаликда бренд платформасини янгилаш, шунингдек, услубини ўзгартиришни ҳам режалаштирган эди.
ISHONCH ушбу бренд платформасини «Truzbek» деб номлади. Шуни таъкидлаш керакки, Truzbek’ни миллатга, яшаш жойига ёки фуқароликка боғлиқлик жойи йўқ. Truzbek — бу шахс, фалсафа, тамойил. Бу фикрлашнинг янги тури бўлиб, бунда сиз яхшироқ ҳаётни кутмайсиз, балки уни ўзингиз яратасиз. Truzbek ўзи ва яқинлари атрофидаги дунёни сўз билан эмас, амал билан ўзгартирадиган бизнинг қўшнимиз, ота-онамиз, дўстларимиз бўлиши мумкин, ISHONCH бунда бренд сифатида ҳаёт, бизнес, таълим ва шахсий ривожланиш учун замонавий ва қулай маҳсулотларни танлашда ёрдам беради.
ISHONCH — бу Ўзбекистондаги йирик маиший техника ва уй учун керакли буюмлар дўконлар тармоғидир. Тармоқнинг биринчи дўкони 2010 йилда Фарғона вилоятида очилган. 12 йилдирки компания мамлакат бозорида етакчи ўринни эгаллаб, минтақадаги аҳоли яшаш тарзини яхшилашга ва фаровонлик даражасини оширишга ҳисса қўшиб, аҳолига сифатли хизмат кўрсатиб келмоқда.
Айни вақтда Республика бўйича ISHONCH филиалларининг умумий сони 60 га яқин. Шунингдек, компанияда 3 000 дан ортиқ ходим фаолият юритади.
Тадбирни ISHONCH дўконлар тармоғи бош директори Фарруҳ Каххаров компания ҳаётида янги босқич бошланаётгани ва келган меҳмонларга миннатдорчилик билан очиб берди.
«Бугун биз келажак сари янги қадам босмоқдамиз ва албатта, биргаликда янги чўққиларга эришамиз. Чунки, ҳаммамиз ишонч ва иштиёқ билан янги режаларга қадам қўйяпмиз. ISHONCH бу — барча инсонларни турмуш тарзини яхшилашга интилувчи компания. ISHONCH нафақат маҳсулотлар сотади, балки янги брендларни ҳам олиб келади. Бу орқали фуқароларимизни орзуларини амалга оширишда ёрдам беради», — деди Фарруҳ Каххаров.
Янги услубни ишлаб чиқиш устида Россиядаги етакчи бўлган, Россия креативлик рейтинги Брендинг тоифасида биринчи ўринда турувчи Depot брендинг агентлиги ишлади.
«Ушбу лойиҳа устида бир ярим йил давомида иш олиб бордик. Ушбу муддат ичида жамоамиз билан тадқиқотлар ўтказиш, танишиш ва харидорлар билан суҳбатлашиш мақсадида бир неча маротаба Ўзбекистонга келдик. Аввалги бренд стратегиясиз яратилган бўлса, биз бренд стратегияси, платформаси ҳамда янги услубини ишлаб чиқдик. Бренд дизайнини янада замонавийлаштирдик, кўпроқ воситалар қўшдик ва брендбук яратдик», — дейди Depot агентлиги стратегия бўйича директори, Фарҳод Қўчқоров.
«Бугунги кунда ISHONCH компанияси фаол ривожланяпти. Ушбу йил охиригача 70 та дўконимиз бўлса, уларни 350 тагача кўпайтириш ҳамда 2030 йилгача бозорнинг 60 фоизини эгаллашни режа қиляпмиз. Тўғри, жуда катта мақсадлар қўйяпмиз, лекин бутун жамоамиз билан биргаликда режаларни тезроқ амалга ошириш учун ҳаракат қиламиз», — Ирина Николаева, тижорат масалалари бўйича директор.
Телефон: +998 (73) 515-22-22
Facebook: @ishonchsavdouz
Instagram: @ishonchsavdouz
Telegram: @ishonchsavdo
Реклама ҳуқуқи асосида
Изоҳ (0)