Bugun,

  • USD 11095.31
  • RUB 173.84
  • EUR 10772.44

Ukrainada 185 ming kvadrat kilometr hududni minalardan tozalash kerak, deya ma’lum qildi Favqulodda vaziyatlar davlat xizmati boshqarmasi boshlig‘i Oleg Bondar. Ushbu maydonni Belarus hududiga (207,6 ming kvadrat kilometr) qiyoslash mumkin.

Foto: Reuters

Foto: Reuters

“Ayni paytda jangovar harakatlarni olib borish xususiyatini tadqiq qilish, chuqur tahlil bo‘yicha katta chora-tadbirlar sharofati bilan potensial xavfli hududni 300 ming kv. km.dan 185 ming kv. km.gacha qisqartirishga muvaffaq bo‘ldik”, — dedi u.

Harbiy harakatlar boshidan buyon jami 70 ming gektar maydonga ega hudud tekshirib chiqilgan va 192 mingdan ortiq portlash xavfiga ega buyumlar, shu jumladan, 2,1 mingdan ziyod aviabombalar aniqlangan.

Iyul oxirida hukumat Ukrainaning qariyb 212 ming kv. km hududi minalardan tozalanishi kerakligini ma’lum qilgandi.

Avgust boshida AQSH Davlat departamenti Ukrainaga minalardan tozalashda va portlamay qolgan snaryadlarni zararsizlantirishda yordam berish uchun 89 million dollar taqdim etishini e’lon qilgandi. Ushbu mablag‘ hisobiga, xususan, 100 ta sapyorlar guruhi tayyorlantiriladi. Britaniya Mudofaa vazirligi esa minalarni qidirish va qirg‘oq chizig‘ini minalardan tozalash uchun Kiyevga oltita suvosti droni taqdim etishini xabar bergandi. Dronlar qirg‘oqqa yaqin hududlarda 100 metrgacha chuqurlikda foydalanish uchun mo‘ljallangan.

Rossiyaning AQSHdagi elchisi Anatoliy Antonov Amerika tomoni Ukraina hududiga minalar joylashtirishda Rossiyani ayblaganini aytgandi; Moskva esa bunday ayblovni rad etmoqda.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov