Krishtianu Ronaldu faoliyatini “Napoli”da davom ettirishi mumkin.
Futbolchining agenti Jorje Mendesh “Manchester Yunayted”dan 37 yoshli portugaliyalikni Neapol klubiga qo‘yib yuborishni so‘ramoqda. Kelishuvga “Manchester Yunayted”ga o‘tilishi kutilayotgan Viktor Osimxen ham kiritilishi mumkin.
Biroq mankunianliklar hozirda “Ayaks” futbolchisi Antoni transferiga diqqatini qaratgan. Amsterdamliklar futbolchi uchun 90 million yevro talab qilmoqda.
“Napoli” esa Osimxenni 100+ million yevroga qo‘yib yuborishini ma’lum qilgan. “Qizil iblislar” futbolchi uchun shuncha pul sarflaydimi-yo‘qmi, noma’lum. Nigeriyalikning agenti esa mijozi transferga qo‘yilmasligini ta’kidlagan.
Hozirda Ronaldu bo‘yicha hech qanday rasmiy taklif bo‘lgani yo‘q, muzokaralar ham olib borilmayapti.
Avvalroq “Manchester Yunayted” Ronalduning ishga bo‘lgan munosabatidan norozi ekani va uni qo‘yib yuborish haqida o‘ylayotgani haqida xabar qilingandi. Portugaliyalikning o‘zi esa Instagram’da transferlarga oid mish-mishlar borasida: “Yuzta xabardan 5 tasi haqiqatga yaqin”, — deya fikr bildirdi.
Izoh (0)