Криштиану Роналду фаолиятини «Наполи»да давом эттириши мумкин.
Футболчининг агенти Жорже Мендеш «Манчестер Юнайтед»дан 37 ёшли португалияликни Неапол клубига қўйиб юборишни сўрамоқда. Келишувга «Манчестер Юнайтед»га ўтилиши кутилаётган Виктор Осимхен ҳам киритилиши мумкин.
Бироқ манкунианликлар ҳозирда «Аякс» футболчиси Антони трансферига диққатини қаратган. Амстердамликлар футболчи учун 90 миллион евро талаб қилмоқда.
«Наполи» эса Осимхенни 100+ миллион еврога қўйиб юборишини маълум қилган. «Қизил иблислар» футболчи учун шунча пул сарфлайдими-йўқми, номаълум. Нигерияликнинг агенти эса мижози трансферга қўйилмаслигини таъкидлаган.
Ҳозирда Роналду бўйича ҳеч қандай расмий таклиф бўлгани йўқ, музокаралар ҳам олиб борилмаяпти.
Аввалроқ «Манчестер Юнайтед» Роналдунинг ишга бўлган муносабатидан норози экани ва уни қўйиб юбориш ҳақида ўйлаётгани ҳақида хабар қилинганди. Португалияликнинг ўзи эса Instagram’да трансферларга оид миш-мишлар борасида: «Юзта хабардан 5 таси ҳақиқатга яқин», — дея фикр билдирди.
Изоҳ (0)