Toshkent—Samara—Toshkent yo‘nalishida qo‘shimcha poyezd qatnovlari yo‘lga qo‘yiladi

Toshkent—Samara—Toshkent yo‘nalishida 5/6-sonli Xalqaro yo‘lovchi poyezdlarining qo‘shimcha qatnovlari yo‘lga qo‘yiladi.

Xorijiy davlatlarga borish istagida bo‘lgan yo‘lovchilarning murojaatlarini o‘rganib chiqqan holda, yo‘lovchilarga yanada ko‘proq transport xizmatlarini ko‘rsatish maqsadida 2022-yil 1-oktabrdan haftaning shanba kunlari Toshkent—Samara—Toshkent yo‘nalishida 5/6 sonli qo‘shimcha yo‘lovchi poyezdlar qatnovi yo‘lga qo‘yiladi.

Eslatib o‘tamiz, 2 yil-u 3 oydan so‘ng ilk bora 2022-yil 23-iyundan Toshkent—Samara—Toshkent yo‘nalishda yo‘lovchi poyezdlar qatnovi qayta tiklangan edi.

1-oktabrdan boshlab ushbu xalqaro yo‘nalishga O‘zbekistondan haftada ikki marotaba yo‘lovchi poyezdlar qatnovi amalga oshiriladi.